उरुळी कांचन (पुणे) - जिल्हा (ग्रामिण) पोलिसांच्या स्थानिक गुन्हे अन्वेषण शाखेच्या पोलीस पथकाने गांजाची वाहतूक करणा-या दोन सख्ख्या भावांना उरुळी कांचन (ता. हवेली) येथे जेरबंद करुन, त्यांच्याकडुन २८ किलो गांजा व एक चारचाकी वाहन असा सव्वा आठ लाख रुपये किमतीचा ऐवज जप्त केला आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

या प्रकरणी पोलिसांनी शिवाजी शंकर डुकळे (वय ३१) व तानाजी शंकर डुकळे (वय- २९, रा. दोघेही कोलवडी, ता हवेली) या सख्ख्या भावांना ताब्यात घेतले आहे. ही कारवाई मंगळवारी (ता. २७) दुपारी केली असुन, पोलिसांनी वरील दोघांच्याकडुन सव्वा चार लाख रुपये किंमतीचा २८ किलो गांजा व गांजा वाहतुकीसाठी वापरण्यात येणारी एक चारचाकी कार असा एकूण ८ लाख २० हजार रुपयांचा ऐवज जप्त केला असल्याची माहिती स्थानिक गुन्हे शाखेचे पोलिस निरीक्षक पद्माकर घनवट यांनी दिली आहे.

पुणे महापालिकेतील तिसऱ्या अतिरिक्त आयुक्तपदाची जबाबदारी सुरेश जगतापांकडे 

उरुळी कांचन परीसरात एका पांढऱ्या रंगाच्या कारमधुन दोन जण गांजा घेऊन येणार असल्याची गोपनीय माहिती, स्थानिक गुन्हे अन्वेशन शाखेचे पोलिस उपनिरीक्षक शिवाजी ननवरे या्ंना मिळाली होती. या माहितीच्या आधारे शिवाजी ननवरे व त्यांचे सहकारी सहायक फौजदार दत्तात्रय गिरमकर, हवालदार राजेंद्र पुणेकर, उमाकांत कुंजीर, महेश गायकवाड, निलेश कदम, विजय कांचन, जनार्दन शेळके, राजू मोमिन, धिरज जाधव आदीनी उरुळी कांचन रेल्वे लाईन जवळील रस्त्यावर साफळा रचला होता.

कनेक्‍टिंग विमानांची गैरसोय झाल्यास प्रवासाचा वेळ वाढणार

वरील पथकास पांढऱ्या रंगाची कार उरुळी कांचनहुन कोरोगाव मुळकडे जात असल्याचे लक्षात येताच, वरील पथकाने कार ताब्यात घेतली. कारची झाडाझडती करताच, पोलिसांना गाडीच्या मागच्या डिकी मध्ये पांढऱ्या रंगाचे गांजा असलेले पोते मिळून आले. यावर पोलिसांनी गाडीतील तानाजी डुकळे व शिवाजी डुकळे यांना ताब्यात घेतले पुढील तपास लोणी काळभोर पोलिस करत आहेत.

Edited By - Prashant Patil