कोथरूड : कोथरूड मतदारसंघात भाजप प्रदेशाध्यक्ष चंद्रकांत पाटील यांनी उमेदवारी अर्ज दाखल केल्यानंतर त्यांना ब्राह्मण समाजाचा विरोध होताना दिसत आहे. अखिल भारतीय ब्राह्मण महासंघ आणि परशुराम सेवा संघ यांच्यावतीने वेगवेगळे उमेदवार देऊन कोथरूड मतदारसंघात चंद्रकांत पाटील यांना पर्यायाने भाजपला ब्राह्मण समाजाची ताकद दाखवून देण्याचा निश्चय या संघटनांनी केला आहे.
ब्राह्मण बहुल असलेल्या मतदारसंघात ब्राह्मण समाजाचे प्रतिनिधित्व करणाऱ्या मेधा कुलकर्णी यांचे तिकीट ऐनवेळेला कापून भाजपाचे प्रदेशाध्यक्ष चंद्रकांत पाटील यांना उमेदवारी देण्यात आली. त्यामुळे भाजप कोथरूडमधील ब्राह्मण समाज आणि इतर सर्व मतदारांना गृहीत धरून उमेदवाराची निश्चिती करत असल्याचा आरोप करीत ब्राह्मण समाज या निवडणुकीत आपली ताकद दाखवण्यासाठी सज्ज झाला आहे.
अखिल भारतीय ब्राह्मण महासंघाच्या वतीने पुणे जिल्हाध्यक्ष मयुरेश अरगडे हे निवडणुकीच्या रिंगणात उतरणार आहेत. तसेच परशुराम सेवा संघाचे महाराष्ट्र प्रदेशाध्यक्ष विश्वजीत देशपांडे हेदेखील थेट मुख्यमंत्री देवेंद्र फडणवीस यांना खुले आव्हान देत निवडणुकीच्या रिंगणात अर्ज दाखल करून निवडणुकीच्या रिंगणात उतरणार आहेत. हे दोघेही आज दुपारी आपला उमेदवारी अर्ज दाखल करणार आहेत.
विश्वजीत देशपांडे हे स्वातंत्र्यवीर सावरकर स्मारकापासुन अर्ज भरण्यास जाणार आहेत. मयुरेश अरगडे दशभुजा मंदिरापासून अर्ज भरण्यास जाणार आहेत. यावेळी दोघेही जोरदार शक्तीप्रदर्शन करणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.