पुणे ः डेटींग साईटद्वारे तरुणीशी ओळख वाढविणाऱ्या उच्चभ्रु कुटुंबातील अल्पवयीन मुलाला तब्बल दोन लाख रुपयांना गंडा घातला. दरम्यान, हा प्रकार उघडकीस आल्यानंतर पालकांनी पोलिसांकडे धाव घेऊन अनोळखी तरुणीविरुद्ध सिंहगड पोलिस ठाण्यात गुन्हा दाखल केला. 

त्याने पोलिसांनाच 'रॉ' एजंट असल्याचे सांगितले अन्....

याप्रकरणी हिंगणे खुर्द येथील माणिकबागेमध्ये राहणाऱ्या 43 वर्षीय महिलेने सिंहगड पोलिस ठाण्यात फिर्याद दाखल केली. त्यावरुन बीबी नावाच्या तरुणीविरुद्ध फसवणुकीचा गुन्हा दाखल करण्यात आला आहे.

खतरनाक खिलाडी 2 पाहिला, कारचा झाला मोह अन् जिगरी मित्रालाच संपविले

पोलिसांनी दिलेल्या माहितीनुसार, फिर्यादी व त्यांचे पती खासगी कंपनीमध्ये नोकरीला आहे. त्यांना एक मुलगा असून तो बारावीमध्ये आहे. त्यांच्या मुलाने ऑनलाईन डेटींग वेबसाईटवर नोंदणी केली होती. त्यानंतर बीबी नावाच्या तरुणीने मुलाशी संपर्क साधला आहे. 

पुणे : नाचताना लागला धक्का म्हणून विद्यार्थ्यास जबर मारहाण

मुलगा अल्पवयीन असल्याचे लक्षात आल्यानंतर संबंधीत तरुणीने त्यास पोलिसांची भिती दाखविण्यास सुरूवात केली. त्यानंतर कुटुंबीयांना व पोलिसांना याबाबत माहिती न देण्यासाठी त्याच्याकडे पैशांची मागणी करण्यास सुरूवात केली. त्यामुळे मुलाने घाबरून आईच्या डेबीट-क्रेडीट कार्डचा वापर करुन दोन लाख रुपये तरुणीना ऑनलाईन पाठविले. तसेच पैसे पाठविल्याचे मेसेज आईला आल्यानंतर तो तत्काळ डिलीट करीत होता. त्यामुळे फिर्यादी यांना हा प्रकार कळला नाही.

ताज्या बातम्यांसाठी डाऊनलोड करा ई-सकाळचे ऍप 

दरम्यान, मागील महिन्यातही त्याने महिलेला पैसे पाठविले. त्यावेळी आलेला मेसेज फिर्यादी यांनी पाहिला. त्यांनी बँकेकडे चौकशी केली, त्यावेळी त्यांच्या खात्यातील दोन लाख रुपये घेतल्याचे समजले. मुलाला याबाबत विचारणा केल्यानंतर त्याने घडलेल्या प्रकाराची माहिती दिली. त्यानुसार, पालकांनी तत्काळ पोलिसांकडे फिर्याद दाखल केली.