पुणे : शिवसेनेचे पदाधिकारी दीपक मारटकर खून प्रकरणात सहभागी असलेल्या आणखी दोन आरोपींना गुन्हे शाखेच्या युनीट एकच्या पथकाने नगरमधील काष्टी येथून अटक केली. या प्रकरणामध्ये फरासखाना पोलिसांनी चौघांना अटक केली आहे. त्यामुळे मारटकर खून प्रकरणात अटक झालेल्यांची संख्या आता सहावर पोचली आहे. 

- बियर बारबाबत नवी नियमावली जाहीर; जिल्हाधिकाऱ्यांनी काढले आदेश​

संदिप उर्फ मुंगळ्या प्रकाश कोलते (वय 23, रा. लोहीयानगर), लखन मनोहर ढावरे (वय 30, रा. सहकार चौक, कुंभारघाट, पंढरपुर) अशी अटक केलेल्या संशयित आरोपींची नावे आहेत. तर यापूर्वी अश्‍विनी कांबळे, महेंद्र सराफ, निरंजन म्हंकाळे, रोहीत क्षीरसारगर यांना अटक केली आहे. मारटकर यांची गुरुवारी मध्यरात्री एक वाजण्याच्या सुमारास बुधवार पेठेतील गवळी आळी परिसरात धारदार शस्त्रांनी वार करीत खुन करण्यात आला होता. राजकीय वादातुन झालेल्या या खुनाच्या घटनेनंतर फरासखाना पोलिसांनी तत्काळ तिघांना अटक केली होती. तर रविवारी एकाला अटक केली.

- Breaking : हाथरसमध्ये मोठं षडयंत्र; उत्तर प्रदेश पोलिसांकडून १९ एफआयआर दाखल​ 

दरम्यान, गुन्हे शाखेच्या युनीट एकच्या पथकाकडून या प्रकरणाचा समांतर तपास सुरू होता. गुन्हे शाखेचे पथक दौंड, काष्टी, पंढरपूर, सोलापूर या भागात आरोपींचा शोध घेत होते. त्यावेळी संबंधीत प्रकरणातील दोन आरोपी काष्टी येथे लपून बसल्याची खबर वरिष्ठ पोलिस निरीक्षक सुनील ताकवले, पोलिस उपनिरीक्षक संजय गायकवाड, हनुमंत शिंदे यांच्या पथकाला मिळाली. त्यानुसार, पथकाने काष्टीतील राजवाडी येथे शोध घेत होते, त्यावेळी आरोपींना पोलिसांचा सुगावा लागल्याने ते पळून जाण्याच्या प्रयत्नात होते. त्यावेळी पोलिसांनी त्यांना ताब्यात घेतले. पोलिसांनी त्यांच्याकडे चौकशी केल्यानंतर त्यांनी मारटकर खून प्रकरणामध्ये सहभाग घेतल्याची कबुली दिली. त्यांना तत्काळ फरासखाना पोलिसांच्या ताब्यात देण्यात आले.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)