पुणे - कोरोनाबाधितांची संख्या आटोक्यात आल्याने मंगळवारपासून (ता. १) निर्बंध शिथिल करण्याचा निर्णय पुणे व पिंपरी-चिंचवड महापालिकेने घेतला आहे. नेमके काय सुरू राहणार आणि काय बंद राहणार? याबाबत सर्वांच्या मनात प्रश्‍न आहेत. ती पुढीलप्रमाणे...

प्रश्‍न : आदेशाची अंमलबजावणी कधीपासून होणार?
उत्तर : मंगळवारपासून

प्रश्‍न : किती दिवसांसाठी आदेश लागू राहणार?
उत्तर ः मंगळवारपासून दहा दिवसांसाठी

प्रश्‍न : या काळात काय सुरू राहणार?
उत्तर ः अत्यावश्‍यक सेवेची, जीवनावश्‍यक वस्तूंसह सर्व दुकाने

प्रश्‍न : अत्यावश्‍यक आणि जीवनावश्‍यक वस्तूंचे दुकाने किती दिवस सुरू राहणार?
उत्तर : आठवड्याच्या सातही दिवस

प्रश्‍न : इतर दुकाने किती दिवस सुरू राहणार?
उत्तर : सोमवार ते शुक्रवार

प्रश्‍न : त्यांची वेळ काय असणार?
उत्तर : सकाळी ७ ते दुपारी २

प्रश्‍न : वाहतूक सुरू राहणार का?
उत्तर : एसटी, बस, रेल्वे, विमानसेवा सुरू राहणार

प्रश्‍न : सर्वसामान्य नागरीकांना प्रवास करता येणार का?
उत्तर : अत्यावश्‍यक सेवेतील कर्मचाऱ्यांनाच प्रवास करता येणार

प्रश्‍न : पीएमपीची सेवा सुरू राहणार का?
उत्तर : फक्त अत्यावश्‍यक सेवेतील कर्मचाऱ्यांसाठी

प्रश्‍न : रिक्षा सुरू राहणार का?
उत्तर : होय

प्रश्‍न : केशकर्तनालय, ब्युटीपार्लर सुरू राहणार का?
उत्तर : प्रशासन म्हणते नाही, महापौर म्हणतात होय (संदिग्धता)

प्रश्‍न : हॉटेल, बार, रेस्टॉरंन्ट सुरू होणार का?
उत्तर : हो. परंतु केवळ पार्सल सेवा देता येणार (रात्री ११ पर्यंत)

प्रश्‍न : नागरीकांना पार्सल घेण्यासाठी जाता येणार का?
उत्तर : होय

प्रश्‍न : खासगी वाहतुकीला परवानगी राहणार का?
उत्तर ः होय. ५० टक्के क्षमतेनेच वापरता येणार

प्रश्‍न ः नागरीकांना लसीकरणासाठी जाता येणार का?
उत्तर : होय

प्रश्‍न : बाहेर गावावरून येणाऱ्या नागरीकांना घरी जाण्यासाठी काय सोय असणार?
उत्तर : बस, रिक्षा, खासगी प्रवासी वाहने

प्रश्‍न : पार्सल कसे मागविता येणार?
उत्तर : स्विगी, झोमॅटोसारख्या कंपन्यांच्या माध्यमातून

प्रश्‍न : आंतरजिल्हा वाहतूक करता येणार का?
उत्तर : फक्त अत्यावश्‍यक सेवेसाठी करता येणार

प्रश्‍न : बांधकामे सुरू राहणार का?
उत्तर : कामगाराच्या निवासाची सोय असलेले प्रकल्प सुरू राहणार

प्रश्‍न : मॉल, चित्रपटगृहे, उद्याने खुली राहणार का?
उत्तर : नाही

प्रश्‍न ः घरेलु, सफाई अन्य कर्मचाऱ्यांना परवानगी राहणार का?
उत्तर : होय

प्रश्‍न : पथारी, हातगाडी व्यावसायिकांना परवानगी आहे का?
उत्तर : नाही. केवळ खाद्यपदार्थांचे स्टॉल सुरू राहणार, तेही पार्सल देता येणार.

प्रश्‍न : बँका सुरू राहणार का?
उत्तर : होय, आठवड्याच्या सर्व दिवस

प्रश्‍न : शाळा, महाविद्यालय, धार्मिकस्थळे सुरू राहणार का?
उत्तर : नाही.

प्रश्‍न: मद्य विक्रीची दुकाने सुरू राहणार का?
उत्तर : होय, आठवड्यातील सर्व दिवस सकाळी ७ ते दुपारी २.

प्रश्‍न : बांधकाम व्यावसायिक, आर्किटेक्ट यांचे कार्यालय सुरू राहणार का?
उत्तर : होय. सकाळी ७ ते सायंकाळी ६.