पुणे : सोसायटीत भाजी विकण्यास मनाई केल्यावरून भाजी विक्रेत्यासह सात-आठ पैलवानांनी सोसायटीतील तिघांना बेदम मारहाण केली. तसेच तोडफोडही केली. ही घटना आंबेगाव बुद्रुक येथील लिपणे वस्तीतील अमृतसिटीमध्ये रविवारी रात्री घडली. याप्रकरणी भारती विद्यापीठ ठाण्यात गुन्हा दाखल झाला.
अजित पवारांनी करून दाखवलं अन् माळेगावचं मैदान मारलं
सुभाष शिंदे (वय 64, रा. अमृतसिटी सोसायटी, आंबेगाव बुद्रुक) यांनी फिर्याद दिली आहे. त्यावरून पैलवान सचिन मोहोळ याच्यासह सात ते आठ जणांविरुद्ध गुन्हा दाखल झाला. फिर्यादी सोसायटीत रविवारी सकाळी लाल टेम्पोतून भाजी विक्री करत होते. त्या वेळी त्यांना परवानगी न घेता भाजी विक्री का करता, असा जाब विचारला. भाजी विक्री करू नको, असे सांगून सोसायटीतून बाहेर जाण्यास सांगितले. त्याचा टेम्पोचालकास राग आला. त्याने रात्री दहा वाजता पैलवान सचिन मोहोळ व त्याच्या साथीदार पैलवानांना सोसायटीत आणले.
पुरंदर विमानतळ ठरणार फायदेशीर; दर वर्षी येतील 'इतके' प्रवासी!
लाठ्या-काठ्या व कोयता घेऊन आलेल्या पैलवानांनी सोसायटीमध्ये शिरून गोंधळ घालून तोडफोड केली. तसेच तेथील श्रीनाथ डेअरीमध्ये घुसून सौरभ शेवाळे व प्रणव शेवाळे यांच्यावर कोयत्याने वार केले. याबरोबरच समर्थ सोसायटीतील महादू मारणे यांनाही काठीने मारहाण केली. त्यांच्या हाताला गंभीर दुखापत झाली. नंतर आरोपी तेथून पळून गेले.
पुणेकरांना आता जंगलाचा राजा बघायला मिळणार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.