जेजुरी (पुणे) : ससून रुग्णालयात कोरोना रुग्णांवर उपचार करणारे जेजुरीतील डॉ. प्रशांत सुभाष दरेकर यांनीही स्वतः कोरोनावर मात केली आहे. या कोरोना योध्दाचा जेजुरीतील विविध संस्था व संघटेनांच्यावतीने भंडारा उधळून जोरदार स्वागत व सन्मान करण्यात आला.

जेजुरी येथील डॉ. प्रशांत सुभाष दरेकर हे ससून रुग्णालयात कोरोना रुग्णावर २१ दिवस उपचार करत होते. रुग्णांवर उपचार करत असताना त्यांनाही कोरोनाला सामोरे जावे लागले. मात्र, त्यावर मात करण्यात यशस्वी ठरल्यानंतर ते जेजुरीत आले. 

पुण्याच्या बातम्या वाचण्यासाठी येथे ► क्लिक करा
 
त्यांचे जेजुरीत आगमन होताच मार्तंड देवसंस्थान,सुवर्ण स्टार सोशल क्लब, जेजुरी मेडिकल असोसिएशन, संभाजी ब्रिगेड, श्रीराम मित्र मंडळ, नगरसेवक जयदीप बारभाई व नागरिकांनी भंडारा व पुष्पवृष्टी करून त्यांचे स्वागत केले. सदानंदाचा येळकोट, येळकोट येळकोट जयमल्हार...असा जयघोष युवकांनी केला.

सावधान ! पुण्यातील `या` भागात तुमच्या सोबतही असा भयानक प्रकार घडू शकतो

 
डॉ. दरेकर यांनी ससून येथे अनेक वरिष्ठ डॉक्टरांच्या मार्गदर्शनाखाली काम करत कित्येक रुग्णांना कोरोनातून मुक्त केले. स्वतःवर वेळ आल्यावरही ते त्यातून बाहेर पडले. या निमित्ताने समस्त जेजुरीकरांनी त्यांचे जोरदार स्वागत केल्यानंतर त्याच्या परिवाराने आनंद व्यक्त केला. त्यांच्या आई, वाहिनी, आत्या यांना अश्रू आवरता आले नाही. मित्र परिवाराने जोरदार टाळ्या वाजवत या योध्दाला सलाम केला. कोरोनाला घाबरून जाऊ नका, तो बरा होतो, असा संदेश डॉ. प्रशांत दरेकर यांनी या वेळी दिला.
 

प्रवाशांच्या गर्दीने रेल्वे स्थानक पुन्हा गजबजले

देवसंस्थान विश्वस्त प्रमुख संदीप जगताप, विश्वस्त शिवराज झगडे, पंकज निकुडे, डॉ. नितीन केंजळे, उद्योजक सुभाष दरेकर, जय मल्हार पतसंस्थेचे सचिव बाळासाहेब दरेकर, डॉ. प्रियांका दरेकर, लोकेश सावंत, गणेश आगलावे, कृष्णा कुदळे, माउली खोमणे आदी प्रमुख पदाधिकारी या वेळी उपस्थित होते.