पुणे : शेतीची कामे, ग्रामीण उद्योग आणि औद्योगिक वसाहती सुरू करण्याबाबत केंद्र सरकारने मार्गदर्शक सूचना जाहीर केल्या असल्या तरी राज्य सरकार त्या बाबतचे आदेश कधी काढणार, या कडे आता जिल्हा प्रशासनाचे लक्ष लागले आहे. 

- बातम्या ऐकण्यासाठी डाऊनलोड करा ई-सकाळचे ऍप

लॉकडाऊन शिथिल करण्याबाबत केंद्र सरकारने बुधवारी काही मार्गदर्शक सूचना केल्या आहेत. त्या प्रसिद्ध करताना राज्य सरकारने स्थानिक परिस्थिती नुसार निर्णय घ्यावेत, असेही केंद्राने स्पष्ट केले आहे. त्या मुळे राज्यात लॉकडाउनच्या काळात कोठे शिथिलता देता येईल, नेमके कोणते उद्योग-व्यवसाय सुरू करता येईल, याचा आढावा घेण्यास राज्य सरकारने सुरवात केली आहे. 

- आणखी वाचा - जपानमध्ये होऊ शकतो पाच लाख लोकांचा मृत्यू!

राज्य सरकारने आदेश दिल्यावर जिल्हाधिकारी स्थानिक परिस्थितीनुसार निर्णय घेतील, असेही केंद्राने स्पष्ट केले आहे. पुणे शहरात बहुतेक ठिकाणी संचारबंदीसदृश्य परिस्थिती सध्या आहे. त्यामुळे राज्याने आदेश दिल्यावर जिल्हाधिकारी महापालिका आयुक्त, पोलिस आयुक्त यांच्याशी विचार विनिमय करून शिथिलतेबाबत निर्णय घेतील, असे प्रशासकीय सूत्रांनी स्पष्ट केले. राज्य सरकारकडून येत्या दोन दिवसांत नेमके कोणते आदेश येतील, त्याकडे सध्या आमचे लक्ष लागले आहे, असे जिल्हा प्रशासनातील अधिकाऱ्यांनी सांगितले.

- आणखी वाचा - राज्यात पावणे तीन लाख कोटींची उलाढाल ठप्प!

ज्या भागात कोरोनाचे 'हॉट स्पॉट' नाहीत, तेथे काही प्रमाणात शिथिलता देता येईल. तसेच जिल्ह्यातील काही भागांत उद्योगांना विशिष्ट अटींवर परवानगी दिली जाईल. आयटी क्षेत्रात 50 टक्के कर्मचाऱ्यांना कामावर बोलविण्यास केंद्र सरकारने परवानगी दिली आहे, तर अत्यावश्यकसह सर्व प्रकारची माल वाहतूक सुरू करता येईल, असे केंद्र सरकारने सुचविले आहे.

- 'त्या' बालिकेसाठी सुप्रिया सुळेंनी शोधली देशभरात औषधे

मात्र, याबाबत राज्य सरकार अंतिम निर्णय जाहीर करणार आहे. माल वाहतुकीत अत्यावश्यक सेवांनाच प्राधान्य दिले जाईल, उर्वरित वाहतुकीबाबत गरजेनुसार निर्णय घेऊ, असे पोलिस खात्यातील वरिष्ठ अधिकाऱ्यांनी नाव प्रसिद्ध न करण्याच्या अटीवर 'सकाळ'शी बोलताना सांगितले.