पुणे - ‘वैद्यकीय क्षेत्रात संशोधनाची गरज कायम असते. यासाठी आता पदवी शिक्षणा दरम्यानच वैद्यकीय विद्यार्थ्यांना संशोधन करण्याची संधी उपलब्ध करून दिली जाणार आहे, असे मत लष्करी वैद्यकीय सेवेचे (एएफएमएस) महासंचालक लेफ्टनंट जनरल अनुप बॅनर्जी यांनी व्यक्त केले.
लष्करी वैद्यकीय सेवेच्या ६८ व्या वार्षिक परिषदेचे आयोजन गुरुवारी केले होते. त्या वेळी ते बोलत होते. तीनदिवसीय चालणाऱ्या या परिषदेत जैविक, रासायनिक, रेडिओलॉजिकल आणि अणूहल्ला व युद्धपरिस्थितीत देण्यात येणारी वैद्यकीय सेवा याबाबत शोधनिबंध सादर केले जाणार आहेत.
लेफ्टनंट जनरल बॅनर्जी म्हणाले, ‘‘आतापर्यंत पदव्युत्तर शिक्षण घेत असलेले विद्यार्थी विविध वैद्यकीय संशोधन करत होते. परंतु ही वैद्यकीय संशोधन करण्याची संधी आता पदवीच्या विद्यार्थ्यांना सुद्धा दिली जाणार आहे. याचबरोबर देशातील विविध लष्करी रुग्णालयांचा आधुनिकीकरण सुरू आहे. त्यामध्ये नवनवीन तंत्रज्ञान आणि उपचारासाठी आधुनिक उपकरणांचा समावेश आहे. तसेच शस्त्रक्रिया सुविधांची वाढ यावर भर देत आहोत.’’ सैनिकांवर येणाऱ्या मानसिक तणावाला दूर करण्यासाठी ‘बडी पार्टनर’ ही संकल्पना राबविण्यात येत आहे.
अंतराळशक्ती प्रदर्शनातील देशाची सर्वांत मोठी मोहीम मानली जाणारी गगनयान या मोहिमेमध्ये लष्कराच्या वैद्यकीय विभागाचा सहभाग आहे. या मोहिमेसाठी निवडलेल्या अंतराळवीरांच्या चमूच्या आरोग्याची चाचणी हा विभाग करणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.