कुरकुंभ : मळद (ता. दौंड) येथील हृदयविकाराने मृत्यू झालेल्या महिलेमध्ये कोरोनाची लक्षणेही अढळून आल्याने त्यांच्या संपर्कातील कुटुंबातील पाच व इतर चार असे एकूण नऊ जणांचे कोरोना तपासणी अहवाल पॉझिटिव्ह आले आहेत. ही साखळी आणखी वाढण्याची शक्यता आहे.

अरे बापरे! भंगारातून पुणे विद्यापीठाने केली तब्बल एवढी कमाई

मळद येथे शुक्रवारी (ता. 4) एका महिलेचा हृदयविकाराच्या धक्याने मृत्यू झाला असला तरीही कोरोनाची लक्षणे आढळून आल्याने त्यांच्या कुटुंबातील पाच जणांचे शनिवारी (ता. 5) स्वामी चिंचोली येथील कोविड सेंटरमध्ये घशातील नमुने तपासणीसाठी दिले होते. ते पाचही अहवाल पॉझिटिव्ह आले. तर मंगळवारी (ता. 8) आणखी 17 जणांनी घशातील नमुने स्वामी चिंचोली येथील कोविड सेंटरमध्ये तपासणीसाठी दिले होते. त्यांचे बुधवारी (ता. 9) अहवाल प्राप्त झाले. त्यामध्ये 17 पैकी 4 अहवाल पॉझिटिव्ह आले तर 13 निगेटिव्ह आले.

आज (ता. 9) आणखी 12 जणांनी स्वामी चिंचोली येथील कोविड सेंटरमध्ये घशातील नमुने तपासणीसाठी दिले आहेत. त्यांचे अहवाल येणे बाकी आहे. मृत्यू झालेल्या महिलेच्या अंत्यविधीसाठी आलेले लोक व त्यांच्या संपर्कातील यादी मोठी आहे. त्यामुळे कोरोना रूग्णांची साखळी वाढण्याची शक्यता आहे. त्यामुळे अहवाल पॉझिटिव्ह व  निगेटिव्ह अहवाल आलेले व संपर्कातील सर्वांनी विलिनीकरणात राहून नियमांचे काटेकोर पालन करण्याची आवश्यकता आहे.

निष्काळजीपणा केल्यास रूग्णांची साखळी वाढण्याचा धोका संभवतो. ग्रामपंचायतीच्या सरपंच, उपसरपंच, सदस्यांची मुदत संपल्याने प्रशासकाची नेमणूक करण्यात आली आहे. त्यांच्याकडे एकापेक्षा जास्त गावांची प्रशासकाची जबाबदारी असल्याने उपाययोजना करताना विलंब व निष्काळजीपणा असल्याने ग्रामस्थांकडून नाराजी व्यक्त होत आहे. प्रशासन व आरोग्य विभागाने ठोस पावले उचलण्याची मागणी होत आहे.

पुण्यात ‘डबल डेकर’ पूल उभारण्यास महामेट्रोने केली सुरुवात

गावातील लोकांनी मास्क वापर करणे, वारंवार हात धुणे, सॅनिटायझरचा वापर करणे, गर्दी टाळणे, त्रास जाणू लागल्यास त्वरित उपचार घेण्याचे आवाहन रावणगाव प्राथमिक आरोग्य केंद्राच्या वैद्यकीय अधिकारी डाॅ. अनुराधा बोऱ्हाडे यांनी केले.

(Edited by : Sagar Diliprao Shelar)