पुणे : कोरोना विषाणूचा संसर्ग रोखण्यासाठी राज्य सरकार तसेच प्रशासन विविध पातऴ्यावर प्रयत्न करत आहे. कोरोनाचा प्रादुर्भाव रोखण्यासाठी जिल्हाधिकाऱ्यांनी देखील जिल्हा बंदीचे आदेश दिले आहेत. मात्र, नगरच्या जिल्हा क्रीडा अधिकारी कविता नावंदे यांना रोज पुणे-नगर-पुणे प्रवास करणे चांगलेच भोवलं आहे. शासनाची कुठलीही परवानगी न घेता कविता नावंदे या दररोज ये-जा करत होत्या. ही धक्कादायक बाब लक्षात आल्यानंतर श्रीगोंद्याचे तहसीलदार महेंद्र माळी यांच्या पथकाने कविता गवांदे यांना पुणे-नगर प्रवास करताना ताब्यात घेतलं आहे.

- कारागृह उपमहानिरीक्षक स्वाती साठे यांची तडकाफडकी बदली; बदलीचे कारण...!

जिल्हा बंदीच्या कायद्याचे उल्लंघन केल्याप्रकरणी महसूल प्रशासनाने ही कारवाई केली आहे. याप्रकरणी श्रीगोंदा तालुक्यातील बेलवंडी पोलिस स्टेशनमध्ये गुन्हा दाखल करण्याची प्रक्रिया सुरू आहे.

दरम्यान, जिल्हाधिकाऱ्यांच्या आदेशाचा भंग केल्याप्रकरणी नावंदे यांना श्रीगोंद्याचे तहसिलदार महेंद्र माळी यांनी ही कारवाई केली आहे त्या पुण्यावरून नगरला प्रवास करत असताना कुठलीही परवानगी न घेता त्या दररोज पुणे नगर प्रवास करत होत्या, जिल्हाधिकारी राहुल द्विवेदी यांनी कोरोनाच्या पार्श्वभूमीवर विशेष आदेश दिले आहेत. त्यात जिल्हा बंदीचाही आदेश आहे. मात्र, त्यांच्या या आदेशाला प्रशासनातीलच अधिकारी हरताळ फासत आहेत.

- 'मीटर रिडींग घेऊ द्या, नाहीतर...'; महावितरण देणार वीजग्राहकांना 'शॉक!'

नगरच्या जिल्हा क्रीडा अधिकारी कविता नावंदे यांना महसुलाच्या पथकाने गुरुवारी सकाळी ताब्यात घेतले. त्यांच्यावर बेलवंडी पोलिस ठाण्यात गुन्हा दाखल केला जाणार असल्याची माहिती तहसीलदार महेंद्र माळी यांनी दिली. कविता नावंदे या नगरवरून रोज पुण्याचा प्रवास करतात. मात्र त्यासाठी त्यांनी अधिकृत कुठलाही परवाना घेतलेला नाही. तरीही त्या प्रवास करतात.

गुरुवारी सकाळी त्यांना अशाच प्रवासादरम्यान पुणे-नगर महामार्गावर गव्हाणेवाडी येथे त्यांचे वाहन श्रीगोंद्याच्या निवासी नायब तहसीलदार चारुशीला पवार आणि  योगीता ढोले यांच्या पथकाने थांबविले. परवान्याची चौकशी केली. मात्र, त्यांच्याकडे परवाना नसल्याने त्यांना ताब्यात घेतले. त्यांच्यावर बेलवंडी पोलिस ठाण्यात गुन्हा दाखल केला जाईल, अशी माहिती मिऴाली आहे.

- ऊस उत्पादक शेतकऱ्यांना दिलासा; ९७ टक्के एफआरपी रक्कम कारखान्यांनी केली अदा!