पुणे - आयुष्यात येणाऱ्या प्रत्येक आव्हानाचा सामना करीत वाटा शोधणाऱ्या चिमुकल्यांना आजचा दिवस आनंदाची पर्वणी देणारा ठरला. या वेळी लगोरीचा खेळ, फुग्यांची सजावट आणि केकच्या मेजवानीचा मनमुराद आनंद दिव्यांग मुलांनी लुटला. 

''सकाळ'चे मोबाईल ऍप डाऊनलोड करा 

जागतिक अपंग दिन व काँग्रेस अध्यक्षा सोनिया गांधी यांच्या वाढदिवसानिमित्त दारुवाला पुलाजवळील जीवनधारा मतिमंद मुलांच्या विद्यालयात कार्यक्रम झाला. यात विशेष मुलांसह सामान्यांनीही उत्साहाने सहभाग घेत, आम्ही तुमच्यातीलच एक आहोत, असे सांगत एकोप्याचा संदेशही दिला. माजी आमदार मोहन जोशी, प्रशांत सुरसे, चेतन अगरवाल, विद्यालयाच्या मुख्याध्यापिका सुजाता शिंदे, सामाजिक कार्यकर्ते पीयुष शहा आदी यावेळी उपस्थित होते. तसेच या वेळी संस्थेतील मुलांना खेळणी आणि खाऊचे वाटप करण्यात आले.

अवश्य वाचा : वो भी दिन थे... जेव्हा वडापावच्या गाडीवर कांदा मिळायचा 

‘‘दिव्यांगांच्या आयुष्यात आनंदाचे क्षण निर्माण करणे हे आपलेच कर्तव्य आहे. तसेच सामान्य लोकांनी वर्षातील किमान एक दिवस अशा मुलांसाठी दिला पाहिजे,’’ असे मत मोहन जोशी यांनी व्यक्त केले.