मुंबई : राज्याचे माजी शिक्षणमंत्री आणि भाजपनेते विनोद तावडे यांना पीएम फंडाविषयी विचारणा करणारा एक फोन बीड जिल्ह्यातील अंबाजोगाईमधील वैभव लोमटे नामक एका तरुणाने केला असता त्याला उलट प्रश्न करत विनोद तावडे यांनी फोन कट केला.

बातम्या ऐकण्यासाठी डाऊनलोड करा ई-सकाळचे ऍप

वैभव लोमटे यांनी सुरुवातील तावडे यांना फोन केला असता, पंतप्रधान सहायता निधीत पैसे दिल्यास त्यातील किती वाटा हा महाराष्ट्राच्या वाट्याला येईल असा प्रश्न केला असता, १००० रुपये जर सहायता निधीत दिले तर महाराष्ट्राला त्यातले किती पैसे येतील असा हा थेट प्रश्न होता. त्यावर उत्तर देताना तावडेंनी पीएम फंडाने महाराष्ट्रात आतापर्यंत २ हजार ५०० रुपये प्रत्येक माणसाला दिले असल्याचे उत्तर दिले. तसेच, तुमचे उद्धव ठाकरे सरकार काही करत नाही, गप्प बसा, शांत बसा फोन ठेवा आता, असे म्हणत फोन कट केला. दरम्यान हा ऑडिओ कॉल सध्या सोशल मिडीयावर मोठ्या प्रमाणात व्हायरल होताना दिसत आहे.

Coronavirus : कोणतीही चूक करु नका; जागतिक आरोग्य संघटनेने दिला इशारा

दरम्यान, गेल्या काही दिवसांपासून भाजपचे नेते सोशल मीडियावर मोठया प्रमाणावर ट्रोल होत आहेत. माजी मंत्री विनोद तावडे यांनीच काही दिवसांपूर्वी अभिव्यक्ती स्वातंत्र्याची सरकारकडून गळचेपी होत असल्याचा व्हिडीओ पोस्ट केला. या व्हिडीओत त्यांनी एका पत्रकाराला झालेल्या अटकेचा संदर्भ दिला होता. त्यावर राज्यभरातून मोठ्या प्रमाणात कमेंट झाल्या. त्या पोस्टवर किमान दहा हजार जणांनी स्मायली दिली आहे. एकूण बारा हजार लाईक असणारा त्यांच्या व्हिडीओवर एवढ्या स्मायली आहेत. शिवाय टीकात्मक कमेंटही केल्या आहेत. 

Coronavirus : बिल गेट्स यांच्याकडून मोदी सरकारचे कौतुक 

तसेच, भाजपचे नेते हे मुख्यमंत्री सहायता निधीत मदत देण्याऐवजी पंतप्रधान सहायता निधीत पैसे देत आहेत. या कारणाने त्यांना जास्त प्रमाणात टीकेले सामोरे जावे लागत आहे. गेल्या आठवड्यात माजी मंत्री चंद्रकांत पाटील, गिरीश महाजन, माधव भंडारी यांना ट्रोल करण्यात आले.