औंध (पुणे) : रोजगारानिमित्त महाळुंगे (क्रीडानगरी) गावामध्ये राहणाऱ्या व लॉकडाऊनमुळे अडकलेल्या नांदेड जिल्ह्यातील आठ मजुरांना मुळशीचे तहसीलदार अभय चव्हाण यांच्या मार्गदर्शनाखाली मूळ गावी पाठविण्यात आले.
गेल्या दीड महिन्यांहून अधिक काळ हे सर्व नागरिक लॉकडाऊनमुळे महाळुंगे येथे अडकून पडले होते. हाताला काम नाही व घरी जायची सोय नसल्याने याची दखल घेऊन तुषार हगवणे यांनी मुळशी तहसीलदार, मंडल अधिकारी व तलाठी यांच्या सकारात्मक मदतीतून त्यांना परवानगी मिळवून दिली.
या सर्वांना निरोप देण्यासाठी मंडल अधिकारी हेमंत नायकवाडी, तलाठी हनुमंत चांदेकर, शिवसेनेचे मुळशी तालुका प्रमुख संतोष मोहोळ, उपसरपंच युवराज कोळेकर, माजी उपसरपंच अजिंक्य निकाळजे, युवा नेते रणजित पाडाळे, युवा नेते तुषार हगवणे हे उपस्थित होते.
या सर्व नागरिकांना गावी जाण्यासाठी लागणाऱ्या सर्व कागदपत्रांची पूर्तता व सहकार्य युवा नेते तुषार हगवणे यांनी केले. यावेळी आपल्या मूळ गावी जात असलेल्या या सर्व नागरिकांनी सहकार्य करणाऱ्या सर्वांचे आभार मानत सेवेबद्दल समाधान व्यक्त केले.
पुण्याच्या इतर बातम्या वाचण्यासाठी येथे- क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.