Apple News : आर्थिक मंदीच्या भीतीने अनेक टेक कंपन्यांनी मोठ्या प्रमाणावर कर्मचारी कपात केली. मात्र Apple ने आजपर्यंत मोठ्या प्रमाणात कर्मचारी कपात केली नाही. कंपनीचा खर्च कमी करण्यासाठी Apple ने कर्मचाऱ्यांना कमी न करता.

कंत्राटदारांसोबतचे काम कमी करण्यास सुरुवात केली आहे. न्यूयॉर्क पोस्टने अहवाल दिला की, Apple ने शेकडो कंत्राटदारांशी संबंध तोडण्यास सुरुवात केली आहे. (Apple begins laying off third-party contractors)

"दर 12 ते 15 महिन्यांनी नवीन केलेल्या करारांची मुदत संपण्याची वाट पाहण्याऐवजी, Apple कंत्राटदारांना पूर्णपणे काढून टाकत आहे," अॅपलने यावर कोणतीही प्रतिक्रिया दिली नाही.

अहवालानुसार, खर्चात कपात करण्यासाठी कंपनी कंत्राटदारांना काढून टाकत आहे. कंपनीने त्यांच्या कंत्राटदारांच्या कर्मचार्‍यांची संख्या सांगितली नाही, परंतु अहवालानुसार त्यांची संख्या हजारोंमध्ये आहे.

ऍपलचे सीईओ टिम कुक यांनी कंपनीतील कर्मचारी कपातीला "शेवटचा उपाय" असे म्हटले होते. कूक यांनी वॉल स्ट्रीट जर्नलला सांगितले होते की, ''ऍपल खर्चाचे व्यवस्थापन अत्यंत काटेकोरपणे करत आहे.''

ऍपलला ऑक्टोबर आणि नोव्हेंबरमध्ये पुरवठा साखळीतील समस्यांच्या सामना करावा लागला कारण चीनमध्ये मोठ्या प्रमाणावर कोरोनाची लाट सुरु होती आणि देशातील प्रमुख पुरवठादार फॉक्सकॉनच्या मुख्य कारखान्यात देखील कार्मचाऱ्यांचे आंदोलन आणि विरोध सुरू होता.

कुक म्हणाले की, कोविड-संबंधित आव्हानांचा "आयफोन 14 प्रो आणि आयफोन 14 प्रो मॅक्सच्या पुरवठ्यावर लक्षणीय परिणाम झाला आहे". आव्हानात्मक वातावरणाचा परिणाम म्हणून, "आमचा महसूल वर्षानुवर्षे 5 टक्के कमी झाला" असेही ते म्हणाले.

तंत्रज्ञान विश्लेषक डॅन इव्हस यांच्या मते, कोरोना महामारीच्या काळात Apple ने जास्त काम केले नाही.

2021 च्या तुलनेत 2022 मध्ये Apple च्या कर्मचार्‍यांची संख्या सुमारे 7 टक्क्यांनी वाढली आहे. कुकने आधीच 35 दशलक्ष डॉलर म्हणजेच नुकसानभरपाईच्या 40 टक्क्यांहून अधिक वेतन कपात केली आहे.