EPFO: कर्मचारी भविष्य निर्वाह निधी संस्थेने (EPFO) ने जून 2023 मध्ये 17.89 लाख सदस्य जोडले आहेत. कामगार मंत्रालयाने रविवारी एक निवेदन जारी करून सांगितले की, 3,491 संस्थांनी महिन्याभरात ECR पाठवून त्यांच्या कर्मचाऱ्यांसाठी EPFO मार्फत सामाजिक सुरक्षा वाढवली आहे.
मे महिन्याच्या तुलनेत जून महिन्यात सभासदांची संख्या 9.71 टक्क्यांनी वाढल्याचे कामगार मंत्रालयाने म्हटले आहे. आकडेवारीनुसार, जूनमध्ये 10.14 लाख नवीन सदस्य EPFO मध्ये सामील झाले आहेत, जे ऑगस्ट 2022 नंतरची सर्वाधिक संख्या आहे.
बहुतेक सदस्य 18 ते 25 च्या दरम्यान आहेत
EPFO मध्ये सामील होणार्‍या लोकांची सर्वाधिक संख्या 18 ते 25 वर्षे वयोगटातील आहे, जी जूनमध्ये सामील झालेल्या एकूण सदस्यांपैकी 57.87 टक्के आहे.
पेरोल डेटानुसार, सुमारे 12.65 लाख सदस्य बाहेर गेले परंतु EPFO मध्ये पुन्हा सामील झाले. या सदस्यांनी नोकऱ्या बदलल्या आहेत आणि EPFO अंतर्गत संस्थांमध्ये पुन्हा रुजू झाले आहेत.
जूनमध्ये किती महिलांचा सहभाग
वेतनश्रेणीच्या आकडेवारीनुसार, महिन्यादरम्यान जोडलेल्या एकूण 10.14 लाख नवीन सदस्यांपैकी सुमारे 2.81 लाख महिला सदस्य आहेत, ज्या पहिल्यांदाच EPF मध्ये सामील झाल्या आहेत.
संघटित कर्मचार्‍यांमध्ये सामील होणाऱ्या महिला सदस्यांची टक्केवारी गेल्या 11 महिन्यांतील सर्वाधिक आहे. तसेच, या महिन्यात निव्वळ महिला सदस्यांची संख्या सुमारे 3.93 लाख होती, जी ऑगस्ट 2022 नंतर सर्वाधिक संख्या आहे.
'या' राज्यांमध्ये सर्वाधिक सदस्य
महाराष्ट्र, तामिळनाडू, कर्नाटक, गुजरात आणि हरियाणा या 5 राज्यांमध्ये NET सदस्य सर्वाधिक आहेत. या राज्यांमधील सदस्यांचे योगदान सुमारे 60.40 टक्के आहे, ज्यामुळे महिन्याभरात एकूण 10.80 लाख सदस्यांची भर पडली आहे. सर्व राज्यांपैकी महाराष्ट्राने सर्वाधिक 20.54 टक्के लोकांची भर घातली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.