अमेरिकन शॉर्ट-सेलर हिंडनबर्ग रिसर्चने पुन्हा एकदा भारतात खळबळ निर्माण केले आहे. हिंडेनबर्गने सेबी प्रमुख माधवी पुरी बुच आणि त्यांच्या पती यांच्यावर गंभीर आरोप केले आहेत. हिंडनबर्ग अहवालात अनेक कंपन्यांचा देखील उल्लेख करण्यात आला आहे. या कंपन्या शेअर बाजारात लिस्टेड आहेत आणि त्यामुळे सोमवारच्या ट्रेडिंगमध्ये त्यांच्या शेअर्समध्ये मोठी हालचाल होण्याची शक्यता आहे.

कोणत्या कंपन्यांचा उल्लेख?-

हिंडनबर्गच्या ताज्या अहवालात फाइनान्स सेक्टरशी संबंधित कंपनी IIFL, नेक्सस सेलेक्ट ट्रस्ट, आणि माइंडस्पेसचा उल्लेख आहे. IIFL चे शेअर बीएसई इंडेक्सवर 423 रुपयांना आहेत. गेल्या शुक्रवारी या शेअरमध्ये 2% ची घसरण झाली होती. एनएसई वर नेक्सस सेलेक्ट ट्रस्टचे शेअर 137 रुपयांना आहेत आणि गेल्या शुक्रवारी हे शेअर सुमारे 5% नी खाली आले होते. माइंडस्पेसचे शेअर 343 रुपयांना आहेत आणि ते शुक्रवारी थोड्या वाढीसह बंद झाले होते.

हिंडनबर्गच्या आरोपांमुळे गुंतवणूकदारांवर काय परिणाम होतो हे पाहणे महत्वाचे आगे. गेल्यावर्षी जानेवारी महिन्यात हिंडनबर्गच्या आरोपांनंतर अडानी समूहाचे शेअर्स बऱ्याच प्रमाणात क्रॅश झाले होते. त्यामुळे आता देखील शेकर मार्केट रडारवर आहे का?, अशी चर्चा रंगली आहे.

यामुळे गुंतवणूकदारांनी सावधगिरी बाळगणे आवश्यक आहे, कारण हे आरोप शेअर बाजारात अनिश्चितता निर्माण करू शकतात. शेअरच्या किमतींमध्ये मोठी चढउतार होण्याची शक्यता असल्याने गुंतवणूकदारांनी आपल्या गुंतवणुकीचे पुनर्मूल्यांकन करणे आवश्यक आहे. योग्य सल्लागारांच्या मार्गदर्शनाखाली निर्णय घेणे फायद्याचे ठरेल.

हिंडनबर्गचा नेमका आरोप काय?

हिंडेनबर्गने दावा केला की माधबी पुरी बुच आणि त्यांचे पती धवल बुच यांचे अदानी समूहाच्या कंपन्यांमध्ये हिस्सेदारी होती. हिंडेनबर्गने आपल्या ताज्या अहवालात म्हटले आहे की, सेबीने अदानी समूहाच्या संशयास्पद भागधारक कंपन्यांवर कोणतीही कारवाई केली नाही. या कंपन्या इंडिया इन्फोलाइनच्या EM रिसर्जंट फंड आणि इंडिया फोकस फंडाद्वारे चालवल्या जातात.