Share Market Investment Tips: सोमवारी भारतीय इक्विटी बेंचमार्क इंडेक्स अस्थिर व्यापार सत्रात घसरणीसह बंद झाले. सेन्सेक्स 354.21 अंकांनी अर्थात 0.49 टक्क्यांनी घसरून 71,731.42 वर आणि निफ्टी 82.10 अंकांनी म्हणजेच 0.38 टक्क्यांनी घसरून 21,771.70 वर बंद झाला.

आज कशी असेल बाजाराची स्थिती?

सोमवारी निफ्टी वाढीसह उघडला, मात्र दिवसभरात विक्रीचा दबाव दिसून आल्याचे शेअरखानचे जतीन गेडिया यांनी सांगितले. व्यवहाराच्या शेवटी तो 82 अंकांच्या घसरणीसह बंद झाला. डेली चार्टवर निफ्टीला 22000 वर विक्रीचा दबाव दिसून आला.

आवर्ली इंडिकेटरमध्ये नकारात्मक वातावरण दिसत आहे जे वरच्या स्तरावरून दबाव निर्माण करण्याचे संकेत आहेत. एकूणच, निफ्टी 22000 - 21200 च्या रेंजमधून बाहेर येईपर्यंत रेंज बाउंड ट्रेडिंग सुरू ठेवण्याची शक्यता आहे.

डेली आणि आवर्ली मोमेंटम सेटअप वेगवेगळे संकेत देत आहेत जे पुन्हा साइडवेज एक्शनचे संकेत आहेत. अशा स्थितीत बाजारात कंसोलीडेशन सुरू राहण्याची शक्यता आहे.

कंसोलीडेशनच्या कालावधीत सेक्टर रोटेशन सुरू राहणे अपेक्षित आहे. निफ्टीसाठी 21640 - 21600 वर सपोर्ट आहे आणि 21950 - 22000 च्या झोनमध्ये रझिस्टंस आहे.

शेवटच्या ट्रेडिंग सत्रापासून बँक निफ्टीमध्ये विक्रीचा दबाव दिसून आला. एकंदरीत, त्याचा ट्रेंडही साइडवेज आहे आणि त्याची कंसोलीडेशन रेंज 45000 - 47000 असण्याची अपेक्षा आहे.

आजचे टॉप 10 शेअर्स कोणते?

• युनायटेड फॉस्फोरस लिमिटेड (UPL)

• बजाज फायनान्स (BAJFINANCE)

• भारती एअरटेल (BHARTIARTL)

• एचडीएफसी लाइफ (HDFCLIFE)

• ग्रासिम (GRASIM)

• ऑरो फार्मा (AUROPHARMA)

• व्होल्टास (VOLTAS)

• बंधन बँक (BANDHANBNK)

• एम फॅसिस (MPHASIS)

• गोदरेज प्रॉपर्टीज (GODREJPROP)

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.