Share Market Investment Tips: सोमवारी सेन्सेक्स-निफ्टी घसरणीसह बंद झाले. निफ्टी 19700 च्या खाली घसरला. त्याच वेळी, सेन्सेक्स सुमारे 300 अंकांच्या घसरणीसह बंद झाला. व्यवहाराच्या शेवटी सेन्सेक्स 299.48 अंकांनी अर्थात 0.45 टक्क्यांनी घसरून 66384.78 वर बंद झाला आणि निफ्टी 72.70 अंकांनी म्हणजेच 0.37 टक्क्यांनी घसरून 19672.30 वर बंद झाला.

आज कशी असेल बाजाराची स्थिती?

बँकिंग, एफएमसीजी, मेटल आणि ऑईल अँड गॅस शेअर्समध्ये प्रॉफीट बुकींग झाल्यामुळे बाजारात सलग दुसऱ्या सत्रात घसरण झाली, पण हे अपेक्षित होते असे कोटक सिक्युरिटीजचे श्रीकांत चौहान म्हणाले.

इन्फोसिस आणि हिंदुस्तान युनिलिव्हरचे निकाल अपेक्षेप्रमाणे आले नाहीत, त्यामुळे गुंतवणुकदारांनी या बुधवारी जाहीर होणार्‍या यूएस एफओएमसी निर्णयापूर्वी त्यांची पोझिशन कमी केली.

तांत्रिकदृष्ट्या, संथ सुरुवातीनंतर, निफ्टीला उच्च पातळीवर विक्रीचा दबाव कायम आहे. इंट्राडे चार्टवर, निफ्टी लोअर फॉर्मेशन कायम राखून आहे. डेली चार्टवर, त्याने एक बियरीश कँडल तयार केली आहे, जी मोठ्या प्रमाणात नकारात्मक आहे.

निफ्टीने टेक्निककल करेक्शनचा टप्पा पूर्ण केल्याचा विश्वास श्रीकांत चौहान यांनी व्यक्त केला. पण 19750 ची पातळी ओलांडल्यानंतरच तेजीची अपेक्षा केली जाऊ शकते.

जर निफ्टी 19750 च्या वर जाऊ शकला नाही तर ही घसरण 19600-19575 पर्यंत वाढू शकते. तर, 19750 च्या वर गेल्यास, इंडेक्स 19800-19835 पर्यंत जाऊ शकतो.

आजचे टॉप 10 ऍक्शन शेअर्स कोणते?

आयटीसी (ITC)

कोटक बँक (KOTAKBANK)

टेक महिन्द्रा (TECHM)

रिलायन्स (RELIANCE)

ब्रिटानिया (BRITANNIA)

ए यू बँक (AUBANK)

एम फॅसिस (MPHASIS)

टीव्हीएस मोटर्स (TVSMOTOR)

श्रीराम फायनान्स (SHRIRAMFIN)

बालक्रिष्ण इंडस्ट्रीज (BALKRISIND)

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.