Share Market Closing Latest Update 5 August 2024: सोमवार (5 ऑगस्ट) हा दिवस भारतीय शेअर बाजारांमध्ये प्रचंड घसरणीचा ठरला. जागतिक बाजाराची सुरुवात मोठ्या घसरणीने झाली आणि शेअर बाजार मोठ्या घसरणीसह बंद झाला. इंट्राडे मध्ये, निफ्टी 24000 च्या खाली तर सेन्सेक्स 78,300 पर्यंत घसरला होता. बंद होताना निफ्टी 662 अंकांनी घसरून 24052 वर बंद झाला आणि सेन्सेक्स 2222 अंकांनी घसरून 78760 वर बंद झाला.
निफ्टी बँक 1258 अंकांनी घसरून 50100 च्या जवळ बंद झाला. ऑटो, मेटल आणि सरकारी बँकिंग शेअर्समध्ये सर्वाधिक घसरण झाली. आज इंडिया VIX, जो बाजाराची अस्थिरता दर्शवतो तो जवळजवळ 50% वर गेला होता. जागतिक बाजारात अमेरिकेत मंदीच्या भीतीने आणि जपानमध्ये येन कॅरी ट्रेड बंद झाल्यामुळे बाजारात मोठी घसरण झाली.
बाजारातील या घसरणीमुळे भारत फोर्ज 6.18 टक्के, मदरसन 9.18 टक्के, एलआयसी हाऊसिंग फायनान्स 8.34 टक्के, टाटा मोटर्स 7.31 टक्के, एमफेसिस 4.43 टक्के, भारत इलेक्ट्रॉनिक्स 4.19 टक्के, हिंदुस्थान कॉपर 6.71 टक्के, नोल्को 6.62 टक्के, ओएनजीसी 6.01 टक्के, जीएमआर एयरपोर्ट 5.61 टक्क्यांनी घसरले.
BSE वर कंपन्यांचे एकूण मार्केट कॅप आज 5 ऑगस्ट रोजी 441.66 लाख कोटी रुपयांवर घसरले, जे त्याच्या आधीच्या ट्रेडिंग दिवशी म्हणजे शुक्रवारी 2 ऑगस्ट रोजी 457.16 लाख कोटी रुपये होते. अशाप्रकारे, BSE मध्ये कंपन्यांचे मार्केट कॅप आज सुमारे 15.5 लाख कोटी रुपयांनी कमी झाले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 15.5 लाख कोटी रुपयांची घट झाली आहे.
शेअर बाजारातील घसरण इतकी तीव्र होती की सेन्सेक्समधील 30 शेअर्सपैकी फक्त 2 शेअर्स आज वाढीसह बंद झाले. यामध्ये हिंदुस्तान युनिलिव्हर (HUL) चा शेअर 0.97 टक्क्यांच्या वाढीसह बंद झाला आणि नेस्ले इंडियाचा शेअर (Nestle India) 0.75 टक्क्यांच्या वाढीसह बंद झाला.
सेन्सेक्समधील उर्वरित 28 शेअर्स आज घसरणीसह बंद झाले. यामध्येही टाटा मोटर्सचे शेअर सर्वाधिक 7.38 टक्के घसरले. याशिवाय अदानी पोर्ट्स, टाटा स्टील, स्टेट बँक ऑफ इंडिया (एसबीआय) आणि पॉवर ग्रिडचे शेअर्स लाल रंगात बंद झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.