Share Market Opening Latest Update 5 March 2024 (Marathi News): मंगळवारी शेअर बाजारात विक्री दिसून आली. प्रमुख निर्देशांक घसरणीसह व्यवहार करत आहेत. सेन्सेक्स सुमारे 150 अंकांनी घसरला आणि 73,742च्या जवळ व्यवहार करत होता.
निफ्टीही 60 अंकांनी घसरला आणि 22,300 च्या जवळ व्यवहार करत होता. निफ्टीमध्ये टाटा मोटर्स 4 टक्क्यांच्या उसळीसह अव्वल स्थानावर आहे. तर टीसीएस, एचसीएल टेक, आयसीआयसीआय बँक सर्वाधिक घसरले आहेत.
शेअर बाजाराच्या सुरुवातीच्या व्यवहारात निफ्टी मिड कॅप 100, बीएसई स्मॉल कॅप, निफ्टी आयटी, निफ्टी बँक निर्देशांकात घसरण झाली. निफ्टी ऑटो वगळता सर्व क्षेत्रीय निर्देशांक घसरले होते.
शेअर बाजाराच्या सुरुवातीच्या व्यवहारात ज्या शेअर्समध्ये तेजी होती त्या शेअर्समध्ये टाटा मोटर्स, बजाज फिनसर्व्ह, महिंद्रा, यूपीएल, भारती एअरटेल, एसबीआय लाइफ आणि आयशर मोटर्सचे शेअर्स होते.
तर ज्या शेअर्समध्ये घसरण झाली त्यामध्ये पॉवर ग्रिड, जेएसडब्ल्यू, टीसीएस, सन फार्मा, लार्सन, आयसीआयसीआय बँक आणि एचसीएल टेकच्या शेअर्सचा समावेश होता.
सोन्याच्या सततच्या वाढत्या किंमतीमुळे गुंतवणूकदार सोन्याची वित्तपुरवठा करणारी कंपनी मन्नापुरम आणि मुथूट फायनान्सच्या शेअर्सवर लक्ष ठेवत आहेत. टाटा मोटर्सने विलिनीकरणाची घोषणा केली आहे तर एनटीपीसीने उर्जा प्रकल्पासाठी यूपी सरकारशी करार केला आहे.
22050 च्या स्तरावर निफ्टीला भक्कम पाठिंबा असून शेअर बाजारात वाढ होण्यास वाव असल्याचे शेअर बाजारातील तज्ज्ञांचे म्हणणे आहे.
बँक निफ्टी 158 अंकांच्या घसरणीनंतर 47297 वर व्यवहार करत आहे तर आयटी शेअर्स आज 0.71 टक्क्यांनी घसरले आहेत. सेन्सेक्समधील 30 शेअर्सपैकी 13 शेअर्समध्ये वाढ तर 17 शेअर्स घसरत आहेत.
टाटा मोटर्समध्ये आज सर्वाधिक 4.73 टक्के वाढ झाली आहे. यानंतर M&M 1.28 टक्क्यांनी तर SBI आणि NTPC 0.89 टक्क्यांनी व्यवहार करत आहेत. भारती एअरटेल 0.52 टक्क्यांनी तर टायटन 0.37 टक्क्यांनी वर आहे.
मंगळवारी IIFL फायनान्सचे शेअर्स 20% च्या घसरणीसह लोअर सर्किटला आले. स्टॉक इंट्राडे 20% घसरून 477.75 च्या नीचांकी पातळीवर आला. आरबीआयने कंपनीच्या गोल्ड लोनवर बंदी घातल्यानंतर शेअर्सवर हा दबाव दिसून येत आहे. गेल्या 12 महिन्यांत स्टॉक 5.25% ने घसरला आहे.
टाटा मोटर्सच्या शेअर्सने मंगळवारी उच्चांक गाठला आहे. शेअरने इंट्राडे 4% पेक्षा जास्त झेप घेतली असून तो रु 1,030 च्या उच्चांकावर पोहोचला आहे. डिमर्जरच्या घोषणेनंतर कंपनीच्या शेअर्समध्ये ही वाढ झाली आहे. कंपनी आपले प्रवासी वाहन आणि व्यावसायिक वाहन व्यवसाय वेगळे करणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.