Maan Panchayat Samiti esakal
सातारा

माणच्या पंचायत समितीत रासपची बाजी; सभापतिपदी लतिका वीरकरांची निवड

रूपेश कदम

दहिवडी (सातारा) : माण पंचायत समितीच्या (Maan Panchayat Samiti) दहापैकी सर्वपक्षीय आठ सदस्यांनी आपली एकजूट कायम ठेवल्याने सभापतिपदी राष्ट्रीय समाज पक्षाच्या लतिका वीरकर (Latika Virkar) यांची बिनविरोध निवड झाली. (Appointment Of Latika Virkar As Chairperson Of Maan Panchayat Samiti Satara Political News)

सभापती कविता जगदाळे (Kavita Jagdale) यांच्यावरील अविश्वास ठराव 12 एप्रिल रोजी आठ विरुद्ध दोन असा मंजूर झाला होता.

सभापती कविता जगदाळे यांच्यावरील अविश्वास ठराव 12 एप्रिल रोजी आठ विरुद्ध दोन असा मंजूर झाला होता. त्यानंतर प्रभारी सभापती म्हणून विद्यमान उपसभापती तानाजी कट्टे हे काम पाहात होते. रिक्त झालेल्या सभापतिपदासाठी निवडणूक कार्यक्रम जाहीर करण्यात आला होता. त्यानुसार सभापती निवडीसाठी आज पंचायत समितीत विशेष सभा बोलावली होती. पीठासन अधिकारी तथा प्रांताधिकारी शैलेश सूर्यवंशी यांच्या उपस्थितीत सकाळी 11 वाजता सभापतिपदाच्या निवडणुकीचा (Election) कार्यक्रम सुरू झाला.

या सभेसाठी प्रभारी सभापती तानाजी कट्टे, कविता जगदाळे, रमेश पाटोळे, नितीन राजगे, विजयकुमार मगर, तानाजी काटकर, अपर्णा भोसले, लतिका वीरकर, रंजना जगदाळे व चंद्रभागा आटपाडकर हे सदस्य उपस्थित होते. सभापतिपदाचे आरक्षण सर्वसाधारण महिला असल्याने सर्व प्रवर्गातून निवडून आलेल्या महिलांना संधी होती. सव्वाअकरा वाजता लतिका वीरकर यांनी सभापतिपदासाठी आपला अर्ज गटविकास अधिकारी सर्जेराव पाटील यांच्याकडे दाखल केला. या अर्जावर सूचक म्हणून तानाजी काटकर यांनी स्वाक्षरी केली. दिलेल्या वेळेत वीरकर यांचा एकमेव अर्ज आला. छाननीत अर्ज वैध ठरल्याने दुपारी 12 वाजता वीरकर यांची बिनविरोध निवड झाल्याचे श्री. सूर्यवंशी यांनी जाहीर केले.

लतिका वीरकर यांच्या रूपाने प्रथमच पंचायत समितीच्या सभापतिपदी रासपला संधी मिळाली आहे. जिल्हा परिषद व पंचायत समितीची निवडणूक राष्ट्रवादी व रासप युतीने एकत्रित लढली होती. माण पंचायत समितीच्या दहा सदस्यांमध्ये आमदार जयकुमार गोरे गटाचे तीन, शेखर गोरे गटाचे तीन, राष्ट्रवादी कॉंग्रेसचे दोन, रासपचा एक व अनिल देसाई गटाचा एक असे बलाबल आहे. मात्र, माजी सभापती कविता जगदाळे व विजयकुमार मगर हे एका बाजूला, तर उर्वरित सर्व आठ सदस्य दुसऱ्या बाजूला असे चित्र होते.

कोकणच्या मदतीला धावले खटावकर; 'महावितरण'कडून सिंधुदुर्गात 24 तास वीज जोडणीचे काम

Appointment Of Latika Virkar As Chairperson Of Maan Panchayat Samiti Satara Political News

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ 1st Test Day 2 Live: रोहित शर्मानंतर क्रिकेट इतिहासात ग्लेन फिलिप्सने 'अविश्वसनीय' पराक्रम केला; शतक ठोकले, निकोल्ससह अनेक विक्रमही मोडले...

IND vs NZ 1st Test Day 2 Live: ग्लेन फिलिप्सच्या मानेवर चेंडू जोरात आदळला! बॅट फेकली, हेल्मेट फेकलं... भारतीय खेळाडूने टशनने पाहिलं; जबरदस्त ड्रामा

SuryaKumar Yadav Post: सूर्यकुमारची रात्री सोशल मीडियावर पोस्ट! जय शाह, रोहित शर्मा, गौतम गंभीर यांचे मानले आभार; नेमकं काय म्हणाला?

Shirur Crime : राज्य उत्पादन शुल्क विभागाने घरावर छापा टाकून विदेशी दारूचा लाखो रुपयाचा साठा केला जप्त

HSC Economic Paper : बारावीच्या अर्थशास्त्राच्या पेपरच्या वेळापत्रकात अंशतः बदल

SCROLL FOR NEXT