आगामी काळात येथे पर्यावरणीय संतुलनासाठी इतरही उपक्रम पालिकेच्या मदतीने राबविण्यात येणार आहेत.
सातारा : शहरासह परिसरातील कचऱ्याचे संकलन केल्यानंतर त्यावर सोनगाव येथील पालिकेच्या (Satara Municipality) कचरा डेपोत प्रक्रिया करण्यात येते. या प्रक्रियेदरम्यान विलगीकरणानंतर कचऱ्याची साठवणूक परिसरातील मोकळ्या जागेत करण्यात येते. या जागेसह परिसरातील पर्यावरणीय साखळी अखंडित राहावी, यासाठी खासगी संस्थेच्या मदतीने येथे मियावाकी पद्धतीने गेल्या वर्षी झाडांची (Miyawaki Tree) लागवड केली आहे. सुमारे चार हजार झाडांचे येथे यशस्वी संगोपन, संवर्धन, जतन झाल्याने येथील प्रदूषणाची पातळी कमी होण्यास मदत झाली आहे.
सोनगाव येथील कचरा डेपो सुमारे १८ एकर जागेत विस्तारला आहे. याठिकाणी कचरा विलगीकरणासह इतर प्रक्रिया, तसेच मैला व्यवस्थापन प्रकल्प देखील आहे. या प्रकल्पाची प्रक्रिया क्षमता ५० हजार लिटर इतकी आहे. या प्रक्रियेदरम्यान बाहेर येणारे पाणी मियावाकी पद्धतीने लावलेल्या झाडांना देण्यात येत आहे. याचबरोबरच या प्रकल्पातून निघणाऱ्या स्लरीच्या मदतीने येथे खतनिर्मिती देखील करण्यात येत आहे.
येथील परिसरातील जागेची निश्चिती करत मियावाकी पद्धतीने चार हजार झाडांची लागण करण्यात आली. या झाडांचे यशस्वी संगोपन, जतन झाल्याने त्यांची वाढ झपाट्याने होत आहे. या झाडांमुळे येथील जैवविविधता साखळी विकसित होण्याबरोबरच परिसरातील प्रदूषण कमी होण्यास मदत झाली आहे. आगामी काळात येथे पर्यावरणीय संतुलनासाठी इतरही उपक्रम पालिकेच्या मदतीने राबविण्यात येणार आहेत.
एकूण लावलेली झाडे : चार हजार
झाडांचे वर्गीकरण : फळे, औषधी वनस्पती
पद्धती : दीड फूट अंतरात एका आड एक
संगोपन : सद्यःस्थितीत झाडांची उंची दहा फूट
व्याप्ती : सुमारे २० गुंठ्यांत.
कचरा डेपोतील कचऱ्यावर प्रक्रिया केल्यानंतर मानवी, तसेच पर्यावरणास हानी पोचवणाऱ्या घटकांचे विलगीकरण करण्यात येते. काही कारणास्तव येथील कचऱ्यास आग लागल्यामुळे तसेच इतर कारणांमुळे येथील प्रदूषणाची पातळी वाढून त्याचा त्रास परिसरातील नागरिकांना, तसेच लगतच्या गावांतील ग्रामस्थांना होत असे. हा त्रास कमी करण्यासाठीच्या उपाययोजना पालिका राबवत असे. मात्र, त्यामुळे पर्यावरणीय परिस्थितीत जास्तीचा बदल होत नव्हता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.