Satara Latest Marathi News 
सातारा

सातारकर आठच्या आत घरात! संचारबंदीच्या पहिल्याच दिवशी बाजारपेठा बंद; पोलिसांच्या आवाहनाला प्रतिसाद

गिरीश चव्हाण

सातारा : राज्य शासनाने जाहीर केलेल्या आदेशानुसार काल सातारा शहरातील सर्व बाजारपेठा आणि व्यवहार रात्री आठच्या ठोक्‍याला बंद करत सातारकरांनी घर गाठले. यामुळे साताऱ्यातील गर्दीने गजबजून वाहणारे रस्ते, बाजारपेठा ओस पडल्या होत्या. पोलिसांनी केलेल्या आवाहनास सातारकरांनी पहिल्याच दिवशी प्रतिसाद दिल्याने अनावश्‍यक वादाचे प्रसंग टळले. 

जिल्ह्याच्या विविध भागांत कोरोनाबाधितांची संख्या वाढत चालली असून, सातारा, फलटण हॉटस्पॉट ठरत आहेत. राज्यभरातील कोरोनाबाधितांची संख्या लक्षात घेत राज्य शासनाने रात्री आठ ते सकाळी सातपर्यंत संचारबंदी आणि जमावबंदी आदेश लागू केला. या आदेशाची अंमलबजावणी काल रात्रीपासून होणार असल्याने पोलिसांनी त्याची पूर्वसूचना नागरिकांना देणे सुरू केले. यानुसार सातारा शहर, शाहूपुरी पोलिस ठाण्याचे अधिकारी, कर्मचारी वाहनांमधून नागरिक, दुकानदारांना त्याबाबतच्या सूचना करत फिरत होते. पोलिसांनी केलेल्या आवाहनास प्रतिसाद देत साताऱ्यातील व्यापाऱ्यांनी आपली दुकाने सातच्या सुमारास आवरण्यास सुरुवात केली. रात्री आठच्या ठोक्‍याला सर्वच बाजारपेठा बंद झाल्याने रस्त्यावरील गर्दी रोडावली.

नागरिकांना रात्री आठनंतर आपल्या घरी पोचता यावे, यासाठी काहीवेळेची मुदत पोलिसांनी दिली होती. ही मुदत संपल्यानंतर मात्र पोलिसांनी शहराच्या विविध भागांतील रस्त्यांवरील चौकात ठाण मांडत येणाऱ्या-जाणाऱ्या वाहनांची तपासणी सुरू करत चालकांची चौकशी सुरू केली. पोलिसांच्या तपासणी, चौकशी सत्रामुळे रात्री नऊच्या सुमारास सर्वच रस्ते सामसुम झाले. यानंतर स्पीकरद्वारे नागरिकांना आवाहन करत पोलिस कर्मचाऱ्यांनी वाहनांसह शहरातील रस्त्यांवरून संचलन केले. नागरिक, व्यापाऱ्यांनी केलेल्या आवाहनास प्रतिसाद दिल्याने पोलिसांवरील अनावश्‍यक ताण कमी झाला होता. गेल्या वर्षी याच काळात कडकडीत लॉकडाउन करण्यात आले होते. काल रात्रीपासून सुरू केलेल्या संचार आणि जमावबंदीमुळे त्याकाळातील आठवणींना पुन्हा एकदा उजाळा मिळाला. 

संपादन : बाळकृष्ण मधाळे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

सध्याच्या टीम इंडियातील भरवशाचा फलंदाज कोण? चेतेश्वर पुजाराचा 'या' खेळाडूवर पूर्ण विश्वास; तो गिल किंवा यशस्वी नाही...

Jalna Accident: राजुर टेंभुर्णी रस्त्यावर भीषण अपघात; कार थेट विहिरीत कोसळून पाच जणांना जलसमाधी, ग्रामस्थांमध्ये हळहळ

Latest Maharashtra News Updates : राज्य शासनाचे शिष्टमंडळ आज जरांगे पाटील यांची भेट घेण्याची शक्यता

बाप्पावरच विघ्न! विसर्जन केलेल्या मूर्तींचे कचऱ्यात 'डंपिंग', BMCचे २०० डंपर अडवले; अधिकारी म्हणतात, वरिष्ठांचे आदेश

Satara News:'सातारा जिल्ह्यात बालमृत्यू दरात घट'; गेल्या वर्षीच्या तुलनेत तीन टक्के प्रमाण कमी, आरोग्य यंत्रणांच्‍या प्रयत्नांना यश

SCROLL FOR NEXT