कऱ्हाड (जि. सातारा) : प्रवास करणाऱ्या महिलेच्या पर्समधील दोन तोळ्यांचे दागिने लंपास करणाऱ्या दोन महिला चोरट्यांना तालुका पोलिसांनी जेरबंद केले. चोरीस गेलेले एक लाख 11 हजारांचे दोन तोळ्यांचे सोन्याचे दागिने पोलिसांनी हस्तगत केले आहेत. सुप्रिया पिसाळ यांनी पोलिसात फिर्याद दिली आहे.
पोलिसांनी दिलेली माहिती अशी, पिसाळ रिक्षाने करवडीला निघाल्या होत्या. त्या करवडीत उतरल्यावर त्यांनी पर्समधून दोन तोळ्यांचे सोन्याचे मंगळसूत्र, काळ्या मण्यातील सोन्याची वाटी, मणी जोडवी असा तब्बल एक लाख 11 हजार रुपयांचा मुद्देमाल चोरीस गेल्याचे त्यांच्या लक्षात आले. वडापच्या रिक्षात शेजारी बसलेल्या दोन अनोळखी महिलांवर त्यांचा संशय होता. त्यांनी तालुका पोलिस ठाण्यात त्याची माहिती देत गुन्हा दाखल केला.
तालुका पोलिसांनी संबंधित दोन महिलांना गुन्ह्यात अटक केली. त्यांच्याकडून दोन तोळ्यांच्या सोन्यासह एक लाख 11 हजार रुपयांचा मुद्देमाल जप्त केला आहे. तालुका पोलिस निरीक्षक बाळासाहेब भरणे यांच्या नेतृत्वाखाली हवालदार शशिकांत काळे, सज्जन जगताप, अमित पवार, उत्तम कोळी, महिला पोलिस पूनम चव्हाण यांनी तपासात सहभाग घेतला.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.