सातारा : गेल्या तीन दिवसांत जिल्ह्यातील नऊ केंद्रांमधील आरोग्य विभागातील एक हजार 965 कर्मचाऱ्यांना कोविड लस देण्यात आली आहे. लसीकरणानंतर जिल्ह्यातील कोणत्याही नागरिकाला गंभीर स्वरूपाची रिऍक्‍शन आली नसल्याचे आरोग्य विभागाने स्पष्ट केले आहे.
देशभरात 16 जानेवारी रोजी कोविड लसीकरणाला सुरुवात झाली. यामध्ये आरोग्य विभागाच्या संकेतस्थळावर 24 हजार 789 कर्मचाऱ्यांनी नोंदणी केली होती. पहिल्या टप्प्यात आरोग्य विभागातील नोंदणीकृत कर्मचाऱ्यांना कोविड लस दिली जात आहे. जिल्ह्यात 16 जानेवारी रोजी 614, 19 जानेवारी रोजी 511, तर 20 जानेवारी रोजी 840 कर्मचाऱ्यांना कोविड लस दिली आहे. याचबरोबर जिल्ह्यातील नऊ केंद्रांमध्ये सर्वांत जास्त लसीकरण कऱ्हाड येथील दोन केंद्रांमध्ये अनुक्रमे 278 व 244 नागरिकांचे झालेले आहे. तर साताऱ्यात 216, फलटण 188, पाटण 224, कोरेगाव 194, दहिवडी 169, खंडाळा 221, वाई 231 एवढ्या कर्मचाऱ्यांचे लसीकरण करण्यात आले आहे. पहिल्या टप्प्यातील आरोग्य विभागातील कर्मचाऱ्यांचे लसीकरण झाल्यानंतर दुसऱ्या टप्प्यात सैन्यदल, हवाई दल, पोलिस दलातील कर्मचाऱ्यांच्या लसीकरणास सुरुवात केली जाणार आहे.
एक ते दोन दिवसांचे अंतर ठेवून लसीकरण
जिल्ह्यात नोंदणीकृत कर्मचाऱ्यांचे कोविड लसीकरण सुरू आहे. यामध्ये आठवड्यात सलग लसीकरण न करता एक ते दोन दिवसांचे अंतर ठेवून लसीकरण करण्यात येत आहे. तसेच सद्य:स्थितीत जिल्ह्यातील नऊ केंद्रांमध्ये लसीकरण सुरू असल्याचे आरोग्य विभागातून सांगण्यात आले.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.