ढेबेवाडी (जि. सातारा) : शिवसेनेची विचारधारा खोलवर रुजलेल्या सातारा जिल्ह्यात शिवसैनिकांची अभेद्य फळी आणखी मजबूत करण्यासाठी पदाधिकाऱ्यांनी प्रयत्नशील राहावे. विकासाच्या गतिमान प्रवाहातून एकही गाव आणि वाडीवस्ती वंचित राहणार नाही याची काळजी घ्यावी, असे आवाहन शिवसेनेचे जिल्हाध्यक्ष जयवंतराव शेलार यांनी केले. 

बनपुरी (ता. पाटण) येथे शिवसेनेच्या तीन शाखांचे उद्‌घाटन श्री. शेलार यांच्या हस्ते करण्यात आले. त्याप्रसंगी ते बोलत होते. भाजपमधून शिवसेनेत नुकताच प्रवेश केलेले बनपुरीतील युवानेते कमलाकर पाटील यांचा कार्यक्रमात सत्कार करण्यात आला. श्री. शेलार म्हणाले,""गृहराज्यमंत्री शंभूराज देसाई यांच्या माध्यमातून पाटण तालुक्‍याचा चौफेर विकास सुरू आहे. त्यांचे हात बळकट करून प्रत्येकाने विकासपर्वाचे साक्षीदार बनावे. बनपुरीतील कमलाकर पाटील यांच्या पक्षप्रवेशाने नवचैतन्य निर्माण झाले आहे.'' 

सातारा मेडिकल कॉलेजचा प्रश्न सुटणार; खासदार उदयनराजेंची केंद्रीय आरोग्यमंत्र्यांशी सकारात्मक चर्चा

जगन्नाथ सुर्वे (ज्योतिर्लिंग वॉर्ड), आनंदा भालेकर (हनुमान वॉर्ड), विश्रांत कडव (पेठ वॉर्ड) यांची शाखाप्रमुख म्हणून निवड जाहीर करण्यात आली. माजी तालुकाध्यक्ष श्री. चाळके, लोकनेते बाळासाहेब देसाई साखर कारखान्याचे संचालक विकास गिरीगोसावी, दादासाहेब देसाई, विभागप्रमुख विक्रम जगदाळे आदींसह शिवसैनिक, देसाई गटाचे ज्येष्ठ कार्यकर्ते, ग्रामस्थ उपस्थित होते. अशोकराव पाटील, दादासाहेब सुर्वे यांची भाषणे झाली. अमित पाटील यांनी प्रास्ताविक केले. राजेंद्र हणबर यांनी आभार मानले. कार्यक्रमासाठी मनोज पाटील, सतीश देसाई, कृष्णा मराठे, प्रमोद पाटील, भास्कर पाटील, दीपक देसाई, शेखर देसाई, वैभव देसाई, नंदू पाटील, अतुल पाटील, राजकुमार देसाई आदींनी परिश्रम घेतले. 

मल्ल्या गेलाय लंडनला... मल्ल्याच्या चुका ज्या बॅंकेने केल्या, त्या बॅंकेला पैसे द्यायचे का?; सभापतींचा रिझर्व्हवर घाव

संपादन : बाळकृष्ण मधाळे