Retired working employees 7th Pay Commission difference  Sakal
सातारा

Satara News : कर्मचाऱ्यांच्‍या अडचणीबाबत तोडगा काढा

अभिजित बापट यांची सूचना; निशांत पाटील, अतुल दिघेंचीही उपस्‍थिती

सकाळ वृत्तसेवा

सातारा : अनुकंपा तत्त्वावरील भरती, निवृत्त, तसेच कार्यरत कर्मचाऱ्यांच्‍या अडचणी व वारसांना द्यावयाच्‍या नियुक्‍तीच्‍या अनुषंगाने निर्माण झालेल्‍या प्रशासकीय पेचाच्‍या अनुषंगाने आज सातारा म्‍युनिसिपल कामगार युनियन आणि पालिकेचे मुख्‍याधिकारी अभिजित बापट यांच्‍यात संयुक्‍त बैठक झाली.

बैठकीत कर्मचाऱ्यांच्‍या अडचणी आणि मागण्‍यांबाबत चर्चा झाल्‍यानंतर त्‍यातून तोडगा काढण्‍यासाठीची प्रशासकीय कार्यवाही करण्‍यासाठीच्‍या सूचना अभिजित बापट यांनी पालिकेच्‍या आस्‍थापना विभागास दिल्‍या.

निवृत्त, तसेच कार्यरत कर्मचारी, सातवा वेतन आयोगाचा फरक, मृत वारसांना नोकरीत संधी देण्‍याच्‍या मागणीबाबत सातारा म्‍युनिसिपल कामगार युनियनने पालिकेकडे वारंवार पाठपुरावा सुरू केला होता. वारंवार पत्रव्‍यवहार व बैठका घेऊनही मागण्‍यांबाबत तोडगा निघत नसल्‍याने कामगार युनियनने प्रशासनाच्‍या विरोधात ठोस भूमिका घेण्‍याचा निर्णय घेतला होता.

याची दखल घेत मुख्‍याधिकारी अभिजित बापट यांनी आज बैठकीचे आयोजन करण्‍यात आले होते. या बैठकीसाठी पालिकेचे प्रशासकीय अधिकारी, तसेच युनियनच्‍या वतीने निशांत पाटील, कॉ. अतुल दिघे, सुनील भोजने, सतीश कांबळे व इतर पदाधिकारी, कर्मचारी उपस्‍थित होते.

बैठकीत कालबद्ध पदोन्नती, सेवाज्‍येष्‍ठता, सातवा वेतन आयोग फरक, मृत कर्मचाऱ्यांच्‍या वारसांना नोकरीत सामावून घेणे व इतर मागण्‍या व तांत्रिक अडचणींबाबत निशांत पाटील, कॉ. अतुल दिघे यांनी मते मांडली. या वेळी मागण्‍या व नेमणुकांच्‍या अनुषंगाने निर्माण झालेल्‍या तांत्रिक व न्‍यायालयीन बाबींवरही त्‍यांनी चर्चा केली.

चर्चेत पुढे आलेले मुद्दे नोंदवून घेत अभिजित बापट यांनी बैठकीस उपस्‍थित असणाऱ्या विविध विभागांतील प्रशासकीय अधिकाऱ्यांना मागण्‍यांबाबत सकारात्‍मक व गतिमान कार्यवाही करण्‍याच्‍या सूचना केल्‍या.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sangli Crime : मोक्कातील सांगलीच्या गुन्हेगाराचा सपासप वार करून खून, अल्पवयीन मुलांचा समावेश; वर्चस्ववाद नडला

Latest Marathi News Updates: एरंडोल येथे पोलीस स्टेशनच्यावतीने दादासाहेब पाटील महाविद्यालयात गुरु गौरव कार्यक्रमाचे आयोजन

Beed Crime : बीडमध्ये विकृतीचा कळस! निवृत्त पोलिस फौजदाराला खोलीत डांबून बेदम मारहाण; पाणी मागितले असता तोंडावर केली लघुशंका

Russia Ukraine War: रशियाच्या हल्ल्यांत युक्रेनमध्ये दोन ठार

'या' नक्षत्रांमध्ये जन्मलेली मुलं असतात अतिशय भाग्यशाली; सौंदर्य, यश आणि धनसंपत्तीने होतात समृद्ध

SCROLL FOR NEXT