खंडाळा (जि. सातारा) : पुणे- बंगळूर महामार्गावरील खंबाटकी घाटात गुरुवारी एस कॉर्नरवर उलट्या दिशेने जाणाऱ्या ट्रॅक्‍टरला समोरून येणाऱ्या माल वाहतुक करणा-या गाडीने जोरदार धडक दिली. या अपघातात ट्रॅक्‍टरचालक रमेश लिंगाप्पा पुजारी (रा. महात्मा फुलेनगर, वाई) हे गंभीर जखमी झाले. ट्रॅक्‍टरमधील तीन मजूर किरकोळ जखमी झाले. 

याबाबत पोलिसांनी सांगितले, की खंडाळ्यावरून उलट्या दिशेने बोगद्यामार्गे ट्रॅक्‍टर तीन मजूर व साहित्य घेऊन वाईकडे निघाला होता. या वेळी एकेरी वाहतूक असणाऱ्या बोगद्यातून भरधाव वेगात साताऱ्याहून पुण्याकडे जाणाऱ्या माल वाहतुक करणा-या गाडीस समोरूनच जोरदार धडक दिली.
 
हा अपघात इतका गंभीर होता, की ट्रॅक्‍टर हा ट्रॉलीपासून वेगळा झाला, तर या अपघातात दोन्हीही गाड्याचे मोठे नुकसान झाले. या अपघातात ट्रॅक्‍टरमधील काशिनाथ शंकर बन्ने (वय 45), दत्ता मल्लेश कोळी (वय 40) व दयानंद करिअप्पा बिराजदार (सर्व रा. फुलेनगर वाई) हे मजूर किरकोळ जखमी झाले.

पुणेरी पाटीला कोल्हापूरच्या पाटीचा झटका; चहाची टपरी ते मंत्र्याच्या ट्विट पर्यंत चर्चाच चर्चा

विनामास्क फिरणाऱ्यांवर कडक कारवाई करा; गृहराज्यमंत्र्यांचे प्रशासनाला सक्त आदेश

मानलं! डॉ. प्रकाश आमटेंच्या लोक बिरादरीसाठी सहा हजार किलोमीटर सायकलिंग

तरुणांच्या पिढ्या उद्‌ध्वस्त; नोकरीतील बॅकलॉग न भरल्यास रस्त्यावर उतरू, ओबीसी संघटनेचा इशारा

कऱ्हाडात सौर ऊर्जा प्रकल्प लालफितीत; पालिकेची 90 कोटींची होणार बचत

Edited By : Siddharth Latkar