कऱ्हाड (सातारा) : गेल्या दीड महिन्यात कऱ्हाड शहर परिसरात खुनांची मालिका सुरू असून, कऱ्हाडच्या वाखाण परिसरात 32 वर्षीय महिलेचा खून झाल्याची घटना शनिवारी उघडकीस आली. या घटनेनं एकच खळबळ उडाली असून पोलीस घटनास्थळी दाखल झाले आहेत. उज्वला ठाणेकर (वय 32, रा. वाखाण परिसर) असे या महिलेचं नाव आहे.

आज सकाळी ही घटना उघडकीस आली. या घटनेनं परिसरात खळबळ उडालीय. घटनास्थळावरून मिळालेली माहिती अशी, वाखाण परिसरात महिलेचा खून झाल्याची घटना आज सकाळी उघडकीस आली. घटनेची माहिती मिळताच, पोलीस उपाधीक्षक डॉ. रणजित पाटील, पोलीस निरीक्षक बी. आर. पाटील, सहायक पोलीस निरीक्षक अमित बाबर यांच्यासह पोलिस अधिकारी, कर्मचारी घटनास्थळी दाखल झाले आहेत.

याप्रकरणी पोलिसांनी तपासाला सुरुवात केली आहे. परिसरातील सीसीटीव्ही कॅमेरेही तपासण्यात येत आहेत. दरम्यान, सदर गुन्हे शाखेचे पोलिस घटनास्थळी दाखल झाले आहेत.