iPhone SE येतोय नव्या अवतारात; कधी लाँच होणार अन् काय असेल खास? जाणून घ्या
Apple ने काही महिन्यांपूर्वीच आपली iPhone 14 सीरीज लॉन्च केली आहे, परंतु लगेच आयफोनचे चाहते पुढील iPhone मॉडेलच्या लॉन्चची आतुरतेने वाट पाहत iPhone 15 आणि iPhone SE 4 बद्दल अफवा आणि लीक देखील सुरू झाल्या आहेत. नुकत्याच आलेल्या एका रिपोर्टमध्ये आगामी iPhone SE 4 च्या लॉन्चची तारीख, डिझाइन आणि इतर वैशिष्ट्यांविषयी माहिती समोर आली आहे, जी कंपनी iPhone SE सीरीजची अद्ययावत आवृत्ती म्हणून लॉन्च करण्याच्या तयारीत आहे.
iPhone SE 4 अनेक मोठ्या बदलांसह येण्याची अपेक्षा आहे. चला तर मग iPhone SE 4 बद्दल सर्व माहिती जाणून घेऊयात…
iPhone SE 4 कधी लाँच होईल
नेक्स्ट जनरेशन iPhone SE (म्हणजे iPhone SE 4) 2024 मध्ये लॉन्च होईल अशी अफवा आहे. त्याच वेळी, 2023 मध्ये, Apple iPhone 15 सीरीज लॉन्च होईल अशी अपेक्षा व्यक्त केली जात आहे.
iPhone SE 4 चे डिझाईन
iPhone SE 3 च्या तुलनेत iPhone SE 4 ची रचना वेगळी असण्याची अपेक्षा आहे. iPhone SE हा थर्ड जनरेशनचा 4.7-इंचाचा डिस्प्ले, जाड बेझल आणि टच आयडी होम बटण असलेला एकमेव "iPhone" आहे. तथापि, अफवांनुसार, Apple iPhone SE 4 सह नवीन डिझाइन येण्याची शक्यता आहे. MacRumors मधील एका रिपोर्टनुसार Apple होम बटणाशिवाय, Apple च्या फ्लॅगशिप्सप्रमाणे फोन पूर्ण डिस्प्ले डिझाइनसह येण्याची अपेक्षा आहे. लीकर Jon Prosser च्या मते, iPhone SE 4 2018 iPhone XR सारखा दिसू शकतो. Apple iPhone SE 4 ला iPhone 12 आणि नंतरच्या मॉडेल्सवर आधारित डिझाइन सह येऊ शकते, ज्यामुळे डिव्हाइसला अधिक आधुनिक स्वरूप मिळेल.
iPhone SE 4 - डिस्प्ले
आगामी iPhone SE 4 मध्ये iPhone SE 3 च्या तुलनेत मोठी स्क्रीन असण्याची अपेक्षा आहे. लीक आणि रिपोर्ट्सनुसार, चौथ्या पिढीच्या iPhone SE ला 5.7 आणि 6.1-इंच दरम्यान स्क्रीन आकार मिळण्याची शक्यता आहे. विश्लेषक मिंग-ची कुओच्या मते, Apple हा 6.1-इंचाचा डिस्प्ले देऊ शकते, तर डिस्प्ले विश्लेषक रॉस यंगचा असा विश्वास आहे की Apple पुढील iPhone SE साठी 5.7-इंच आणि 6.1-इंच डिस्प्ले पर्यायांवर विचार करत आहे.
विश्लेषक रॉस यंग यांच्या मते, आयफोन एसई 4 साठी एलसीडी किंवा ओएलईडी तंत्रज्ञान हे दोन्ही पर्याय वापरले जाऊ शकतात, Apple 6.1-इंच OLED डिस्प्ले, तसेच 5.7 बाय 6.1-इंच एलसीडीचा विचार करत आहे.
iPhone SE 4 मध्ये नॉच डिस्प्ले देखील दिला जाऊ शकतो. तथापि, हा फोन फेस आयडी आणि ट्रूडेप्थ कॅमेरा सिस्टमला सपोर्ट करेल की नाही हे अद्याप कळू शकलेले नाही. विश्लेषक मिंग-ची कुओच्या माहितीनुसार, iPhone SE 4 मध्ये iPad Air, iPad आणि iPad mini सारखे टच आयडी पॉवर बटण असू शकते.
iPhone SE 4 - चिपसेट
iPhone 15 सीरीज आणि iPhone 16 लाँच झाल्याच्या वर्षानंतर, फोन 2024 मध्ये लॉन्च होण्याची अपेक्षा असल्याने, फोनला A16 चिप मिळू शकते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.