Message edit feature in WhatsApp: ट्विटरमध्ये एडीट बटणाची प्रतीक्षा खूप दिवसांपासून सुरू आहे आणि ही प्रतीक्षा आता आणखी लांबणार आहे. पण व्हॉट्सअ‍ॅपने मात्र ते गांभीर्याने घेतल्याचे दिसत आहे. रिपोर्टनुसार, व्हॉट्सअ‍ॅप एडिट बटणावर काम करत आहे. व्हॉट्सअ‍ॅपच्या एडिट बटणाची बीटा व्हर्जनवर चाचणी केली जात आहे, हे फिचर्स कार्यरत झाल्यावर यूजर्स एखादा व्हॉट्सअ‍ॅप मेसेज पाठवल्यानंतरही तो आरामात एडिट करू शकतील.

व्हॉट्सअ‍ॅप मेसेज एडिटिंग फिचरचा स्क्रीनशॉटही समोर आला आहे. Wabetainfo ने आपल्या अहवालात म्हटले आहे की, WhatsApp गेल्या पाच वर्षांपासून एडिट फिचरवर काम करत आहे आणि आता त्याची चाचणी सुरू झाली आहे. नवीन फिचरची सध्या अँड्रॉइडवर चाचणी सुरू आहे आणि लवकरच iOS आणि डेस्कटॉप व्हर्जनवर त्याची चाचणी सुरू होईल अशी अपेक्षा आहे.

मेटा-मालकीचे व्हॉट्सअ‍ॅप आणखी एका मोठ्या फिचरवर काम करत आहे. नवीन अपडेटनंतर तुम्ही व्हॉट्सअ‍ॅप ग्रुप सोडल्यास अ‍ॅडमिनशिवाय कोणालाही काही कळणार नाही. व्हॉट्सअ‍ॅपच्या फिचरचा मागोवा घेणाऱ्या WABetaInfo ने नवीन फिचरची माहिती दिली आहे. नवीन फिचर सध्या बीटा चाचणीत आहे. नवीन फिचर आणल्यानंतर केवळ ग्रुप अ‍ॅडमिनलाच ग्रुप सोडण्याचे नोटिफिकेशन मिळेल.

याशिवाय व्हॉट्सअ‍ॅप एका नवीन अपडेटवरही काम करत आहे, ज्यानंतर 512 लोकांना व्हॉट्सअ‍ॅप ग्रुपमध्ये जोडता येईल. या नवीन फिचरचा स्क्रीनशॉट देखील समोर आला आहे, ज्यामध्ये 512 लोकांना ग्रुपमध्ये अ‍ॅड करण्याचा पर्याय मिळत असल्याचे दिसून येते. नवीन फिचरची चाचणी iOS च्या बीटा आवृत्तीवर केली जात आहे. नवीन फिचर शाळा, महाविद्यालये, कोणतीही संस्था आणि लहान व्यवसायांसाठी खूप उपयुक्त ठरेल. सध्या व्हॉट्सअ‍ॅप ग्रुपमध्ये केवळ 256 लोकांनाच जोडता येते.