रिअलमी 15 प्रो 5G मध्ये 7000mAh बॅटरी आणि 80W फास्ट चार्जिंगची सुविधा आहे.
50MP Sony कॅमेरा, 4K व्हिडिओ रेकॉर्डिंग आणि OIS सपोर्ट उपलब्ध आहे.
AI फीचर्स, 144Hz कर्व्हड डिस्प्ले आणि Snapdragon 7 Gen 4 प्रोसेसरसह जबरदस्त परफॉर्मन्स देतो.
रिअलमी लवकरच आपला नवीन फ्लॅगशिप स्मार्टफोन Realme 15 Pro 5G भारतीय मार्केटमध्ये सादर करणार असून त्यामध्ये अनेक प्रगत तंत्रज्ञानाने सज्ज असलेल्या फीचर्सचा समावेश आहे. विशेष म्हणजे या फोनमध्ये कंपनीने चक्क 7000mAh क्षमतेची बॅटरी दिली आहे, जी युजर्ससाठी दीर्घकालीन बॅकअपची खात्री देते. 80W फास्ट चार्जिंगच्या मदतीने ही बॅटरी अत्यंत जलद चार्ज होणार आहे.
Realme 15 Pro 5G मध्ये Qualcomm चा Snapdragon 7 Gen 4 चिपसेट वापरण्यात आला असून तो 120fps गेमिंगसह उच्च कार्यक्षमता देतो. गेमिंग प्रेमींसाठी यात GT Boost 3.0 आणि Gaming Coach 2.0 यांसारख्या फीचर्सचा समावेश असून हे गेमिंग दरम्यान स्थिर फ्रेम रेट आणि रिअल टाइम ऑप्टिमायझेशन देतात.
या स्मार्टफोनमध्ये 50MP Sony IMX896 सेंसरसह ट्रिपल रियर कॅमेरा सेटअप देण्यात आला आहे. यात OIS (Optical Image Stabilization) सुविधा असून झूम करताना 4x आणि 2x ट्रांझिशन मिळते. तसेच, फ्रंट आणि रिअर कॅमेऱ्यात 4K 60fps व्हिडिओ रेकॉर्डिंगची सुविधा देण्यात आली आहे, जी सहसा या किंमत श्रेणीत फारशी उपलब्ध नसते. AI आधारित MagicGlow 2.0 तंत्रज्ञानामुळे स्किन टोन अधिक नैसर्गिक आणि सुंदर दिसतो.
Realme 15 Pro 5G मध्ये 144Hz रिफ्रेश रेटसह 4D कर्व्हड AMOLED डिस्प्ले देण्यात आला आहे. 6,500 निट्स ब्राइटनेस, 94% स्क्रीन-टू-बॉडी रेश्यो आणि Corning Gorilla Glass संरक्षणामुळे ही स्क्रीन अत्यंत आकर्षक आणि टिकाऊ आहे. याला IP69 रेटिंग असल्यामुळे हा फोन पाण्यापासून व धुळीपासून संरक्षण देतो.
रिअलमीने AI अनुभवातही क्रांती घडवण्याचा प्रयत्न केला आहे. यात नवीन AI Edit Genie सुविधा असून, युजर्स त्यांच्या फोटोला आवाजाद्वारे 20 पेक्षा अधिक भाषांमध्ये एडिट करू शकतात. याशिवाय, AI Party Mode आपल्या फोटोंच्या सेटिंग्स आपोआप सीननुसार मॅनेज करतो.
Realme 15 Pro 5G चार भिन्न रंगांमध्ये सादर होणार आहे Flowing Silver, Silk Purple, Silk Pink आणि Velvet Green. या फोनची विक्री Flipkart आणि Realme India च्या अधिकृत वेबसाइटवरून होणार आहे. यासह, Realme 15 5G देखील मार्केटमध्ये येणार असल्याची माहिती कंपनीने दिली आहे.
रिअलमी 15 प्रो 5G कधी लाँच होणार आहे?
👉 हा स्मार्टफोन लवकरच भारतात Flipkart आणि Realme च्या वेबसाइटवर विक्रीसाठी उपलब्ध होणार आहे.
या फोनमध्ये कोणती बॅटरी क्षमता आहे?
👉 यामध्ये 7000mAh क्षमतेची बॅटरी असून ती 80W फास्ट चार्जिंगला सपोर्ट करते.
Realme 15 Pro 5G चा कॅमेरा कसा आहे?
👉 फोनमध्ये 50MP Sony IMX896 कॅमेरा असून OIS आणि 4K 60fps रेकॉर्डिंग सुविधा मिळते.
या फोनमध्ये कोणती डिस्प्ले टेक्नोलॉजी वापरली आहे?
👉 यात 144Hz रिफ्रेश रेटसह 4D कर्व्हड AMOLED डिस्प्ले दिला आहे.
AI फीचर्स कोणते आहेत?
👉 AI Edit Genie (आवाजावर फोटो एडिटिंग), AI Party Mode, आणि MagicGlow 2.0 यांसारखी फीचर्स आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.