The History of Social Media: सध्याच्या काळात सोशल मीडियाचा वापर न करणारी क्वचितच एखादी व्यक्ती सापडते. स्मार्टफोन व इंटरनेट सहज सर्वांसाठी उपलब्ध असल्याने सोशल मीडियाचा वापर देखील वाढला आहे. फेसबुक, ट्विटर, इंस्टाग्रामपासून ते टिकटॉकपर्यंत अनेक नवनवीन सोशल मीडिया प्लॅटफॉर्म्स यूजर्ससाठी उपलब्ध झाले आहेत.

सोशल मीडियाच्या माध्यमातून रातोरात सुपरस्टार झालेल्यांची संख्या देखील कमी नाही. अनेकजण स्वतःच्या टॅलेंटच्या जोरावर सोशल मीडियाच्या माध्यमातून लोकप्रिय झाले आहेत. मात्र, जगातील सर्वात पहिला सोशल मीडिया प्लॅटफॉर्म कोणता होता माहितीये का? याविषयी जाणून घेऊया.

हेही वाचा - First Paralympic Winner : मुरलीकांत पेटकर सांगतायत अपंग खेळाडूंसमोरील आव्हाने

४ तरुणींचा फोटो केला होता पोस्ट

वर्ष १९८९ मध्ये स्विर्झलँडची प्रसिद्ध लॅब सर्नचे कॉम्प्युटर वैज्ञानिक सिल्वानो डे गेन्नारोने म्यूझिक फेस्टिव्हलचे आयोजन केले होते. या फेस्टिव्हलमध्ये ४ मुलींनी भाग घेतला होता. या ४ तरुणींनी स्टेजवर गाणी देखील गायली होती. यावेळी एका फोटोग्राफरने अल्बमसाठी तरुणींचे फोटो काढले होते. सिल्वानो कॉम्प्युटरवर हे फोटो पाहत असतानाच त्यांचे मित्र व www ही संकल्पना मांडणाऱ्या बर्नर्स ली ने एक वेबसाइट बनविण्याचा सल्ला दिला.

लॅबमध्ये काम करणाऱ्या कर्मचाऱ्यांना स्वतःची माहिती शेअर करता येईल, या विचाराने साइट बनविण्याचा विचार बर्नर्स ली यांना आला होता. याच वेबसाइटवर गाणी गाणाऱ्या त्या तरुणींचा फोटो सर्वात प्रथम पोस्ट करण्यात आला. हीच इंटरनेट आणि सोशल मीडियावरील पहिली पोस्ट होती, असा दावा केला जातो.

जगातील पहिली सोशल मीडिया साइट

जगातील सर्वात पहिल्या सोशल मीडिया साइटबद्दल सांगायचे तर सिक्स डिग्रीजचे नाव सर्वात प्रथम येते. ही वर्ष १९९७ मध्ये सुरू झालेली ब्लॉगिंग साइट होती. यूजर या साइटवर फोटो अपलोड करू शकत होते. तसेच, यावर इतरांना फ्रेंड देखील बनवणे शक्य होते.

फेसबुकबद्दल सांगायचे तर मार्क झुकरबर्गने हॉवर्डच्या आपल्या मित्रांसोबत मिळून वर्ष २००४ मध्ये फेसबुक बनवले होते. वर्ष २००५ मध्ये युट्यूबची सुरुवात झाली. त्यानंतर एक वर्षातच मार्च २००६ मध्ये जॅक डॉर्सीने मायक्रो ब्लॉगिंग साइट ट्विटर सुरू केले. फोटो शेअरिंग प्लॅटफॉर्म इंस्टाग्राम हे वर्ष २०१० मध्ये लाँच झाले.