How to Block Lost Mobile Phone : मोबाईल हा आपल्या रोजच्या जीवनातील असा एक अविभाज्य घटक बनलाय ज्याच्या वापराशिवाय आपली सगळी कामं अपूर्ण आहेत.
अशात जर मोबाईल हरवला किंवा चोरीला गेला तर मोठं नुकसान होऊ शकतं. तुमची पर्सनल डिटेल्स स्कॅमर्सपर्यंतही पोहोचू शकते. तेव्हा अशा स्थितीत काय करावे याबाबत आज आपण जाणून घेणार आहोत.
तुमचा फोन हरवल्यास सर्वप्रथम तुम्ही CEIR वेबसाइटला भेट द्यावी. इथे यूजर चोरीला गेलेला किंवा हरवलेला मोबाईल ब्लॉक करू शकतो. एवढेच नाही तर तुमचा फोन परत मिळाल्यास तुम्ही मोबाईल अनब्लॉक देखील करू शकता. हे काम कसे करायचे ते आपण जाणून घेऊया.
CEIR वेबसाइटवर चोरीला गेलेला किंवा हरवलेल्या फोनची तक्रार कशी करावी?
CEIR सेवा सर्व राज्यांमध्ये उपलब्ध आहे. हरवलेल्या किंवा चोरीला गेलेल्या स्मार्टफोनची तक्रार करण्यासाठी, तुम्हाला तुमच्या फोनमधील सिम कार्डचा मोबाइल नंबर, IMEI नंबर आणि मोबाइल पावती यासारख्या तपशीलांची आवश्यकता असेल.
याशिवाय, तुम्हाला तुमच्या जवळच्या पोलिस स्टेशनमध्ये तक्रार नोंदवावी लागेल कारण तुम्हाला फोन ब्लॉक करण्यासाठी स्मार्टफोन यूजरच्या डिटेल्ससह पोलिस तक्रारीची डिजिटल कॉपी देखील आवश्यक असेल.
जेव्हा तुम्ही CEIR वेबसाइटवर स्मार्टफोन ब्लॉक करता, तेव्हा तो केंद्रीय डेटाबेसवरील ब्लॉकलिस्टमध्ये जातो आणि तुमचा हरवलेला फोन ब्लॉक होतो. मग तुमचा कोणीही वापरू शकणार नाही. (Technology)
तुमचा फोन सापडला तर अनब्लॉक कसा करायचा?
तुमचा चोरीला गेलेला किंवा हरवलेला फोन सापडला असल्यास, तुम्ही तो येथून अनब्लॉक देखील करू शकता. तुम्हाला हे फक्त CEIR वेबसाइटद्वारेच करावे लागेल.
यामध्ये तुम्हाला रिक्वेस्ट आयडी आणि मोबाईल नंबर यांसारखे डिटेल्स टाकावे लागतील आणि त्यानंतर फोन अनब्लॉक करावा लागेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.