यंदाचा 71वा 'मिस वर्ल्ड' स्पर्धेच्या आयोजनाचा बहुमान भारताला मिळाला आहे. तब्बल २७ वर्षांनंतर ही स्पर्धा यंदा भारतात होणार आहे. यापूर्वी सन १९९६ मध्ये भारतानं या स्पर्धेचं आयोजन केलं होतं.

यंदा नोव्हेंबर-डिसेंबरमध्ये ही स्पर्धा पार पडणार असल्याचं सांगितलं जात आहे. महत्वाची गोष्ट म्हणजे मिस वर्ल्ड ही सर्वात मोठी आणि लोकप्रिय सौंदर्यस्पर्धा आहे.

दिल्ली येथे याबद्दलची एक पत्रकार परिषद पार पडली. भारतात हा 71 वा मिस वर्ल्डचा सोहळा आयोजित करण्यात येणार आहे. तसेच यावेळी मिस वर्ल्ड संस्थेच्या सीएओही उपस्थित होत्या. 130 देशातील सौदर्यवती यावेळी आपल्या सौंदर्यानं, बुद्धिमत्तेनं आणि आत्मविश्वासानं प्रेक्षकांची मनं जिंकून घेतील.

भारतात हा सोहळा आता 1996 नंतर पार पडणार आहे. नोव्हेंबर किवा डिसेंबरमध्ये या सोहळ्याचे अनावरण होईल. त्यामुळे या सोहळ्याची उत्सुकता सगळ्यांनाच लागून राहिली आहे. जसं की सगळ्यांनाच माहित आहे 20 वर्षीय मानुषी छिल्लरनं 2017 मध्ये मिस वर्ल्ड हा किताब पटकावला होता.