देशभरात दिवाळी उत्साहात साजरी केली जात आहे. दिवाळी म्हटलं की फराळ, गोडधोड, दिवे, रोषणाई, फटाके असणारचं. सध्या सोशल मीडियावरही दिवाळीचं हेच चित्र आपल्याला दिसतंय. दिवाळी निमित्त अनेक व्हिडीओ सोशल मीडियावर व्हायरल होत आहे.

काही व्हिडीओ मजेशीर आहे तर काही थक्क करणारे पण सध्या राज्यातील ठाणे येथील अंगावर काटा आणणारा व्हिडीओ प्रचंड व्हायरल होत आहे. या व्हिडीओत तुम्हाला दिसेल की एक तरुण सुडबुध्दीने लोकांच्या घरांवर रॉकेट सोडतोय.

सदर व्हिडीओ तुम्हाला धक्कादायक प्रकार दिसून येईल. एक तरुण एका अपार्टमेंटमधील घरांवर सुडबुद्धीने रॉकेट सोडतोय. फटाक्याचा प्रकार असलेले रॉकेट हे कधी कधी जीवघेणे ही असतात. त्यामुळे दिवाळीत रॉकेट सोडताना विशेष काळजी घेतली जाते.

मात्र हा तरुण बिनधास्त सुडबुद्धीने लोकांच्या घरांवर रॉकेट सोडतोय. हा व्हिडीओ थोडा विचलित करणारा आहे पण सध्या सोशल मीडियावर हा व्हिडीओ तुफान व्हायरल होतोय. हा तरुण नेमका कोण, याची अद्याप माहिती मिळाली नाही. पोलिस या तरुणाचा शोध घेत आहे.

हा व्हिडीओ राज्यातील ठाणे येथील उल्हासनगर परिसरातील असल्याचे समोर आले आहे. या व्हिडीओवर नेटकरी वेगवेगळ्या प्रतिक्रिया देत आहे तर काही नेटकरी या तरुणावर जोरदार टीका करत आहेत.