VIDEO: माणूस हा समाजशील प्राणी आहे असे म्हणतात. मात्र माकडाने माणसाच्या मदतीची मरता क्षणीही जाण ठेवावी असा हा भावूक करणारा व्हिडीओ बघून तुम्हालाही रडू कोसळेल. होय! रोज माकडांना निस्वार्थ भावनेने जेवण चारणाऱ्या माणसाला पार्थिवाला कुरवाळत या माकडाने श्रद्धांजली दिली आहे. त्याचा हा व्हिडीओ सोशल मीडियावर प्रचंड व्हायरल झाला असून बघणाऱ्यांना रडू आवरलं नाही.

व्हिडीओतील मृत व्यक्ती रोज माकडांना जेवण द्यायचा. त्याच्या या उदारतेची जाणीव निश्चितच या मुक्या जनावरामध्ये व्हिडीओतून दिसून येते. मृत व्यक्तीच्या पार्थिवाजवळ बसून अक्षरश: हे माकड त्याला त्याला दंडवत घालत नंतर कुरवाळताना दिसून येतं. रोज जेवण देणारा या माकडाचा अन्नदाता गेल्याचं दु:ख या माकडालाही झाल्याचं दिसून येतं.

मुक्या जनावराला जेवढं प्रेम मरणाऱ्या व्यक्तीने दिलं त्याची जाण त्याच्या मरणानंतरही माकडाने ठेवली. व्हिडीओतून हे स्पष्ट दिसून येतं. अनेकांना रडण्यास भाग पाडणारा हा व्हिडीओ सोशल मीडियावर प्रचंड व्हायरल होतोय. या व्हिडीओवर लोकांच्या भावूक प्रतिक्रियाही तुम्हाला दिसून येतील. हा व्हिडीओ जोही बघेल त्याच्या डोळ्यातून पाणी तरळेल असा हा व्हिडीओ आहे.