पटना : बिहारमधील भागलपूर येथे एक धक्कादायक बाब उघडकीस आली असून नवरा परराज्यात असतानाही बायको गर्भवती राहिली आहे. या प्रकरणाची चर्चा सोशल मीडियावर होत आहे. भागलपूर येथील जगदीशपूर परिसरातील महिलेने पोलिसांत तक्रार दाखल करून ही बाब उघडकीस आणली आहे.

दरम्यान, महिलेने दिलेल्या तक्रारीनुसार, तिचा मोठा भाऊ मागच्या सात महिन्यापासून कामाच्या निमित्ताने कोलकत्ता येथे गेला आहे. पण तिच्या भावाची बायको तीन महिन्याची गर्भवती आहे. हे कसं शक्य आहे? असा सवाल तिने उपस्थित केला आहे. त्याचबरोबर वहिनीच्या पोटात असलेल्या बाळाची डीएनए टेस्ट करण्याची मागणीसुद्धा सदर महिलेने पोलिसांकडे केली आहे.

अधिक माहितीनुसार, महिलेच्या मोठ्या भावाचं पाच वर्षापुर्वी लग्न झालं आहे. त्यांना दोन वर्षाची एक मुलगी आहे. पण मागच्या सात महिन्यापासून तो कोलकत्ता येथे कामानिमित्ताने गेला होता. परत आल्यावर त्याला समजले की, आपली पत्नी तीन महिन्याची गर्भवती आहे. यासंबंधी जाब विचारला असता पत्नीने सांगितलं की, "ते माझ्या स्वप्नात येत होते त्यामुळे गर्भ राहिला."

त्यानंतर महिलेचा फोन तपासला असता तिच्या फोनमध्ये एका मुलाचा नंबर आढळून आला. त्या मुलासोबत असलेल्या अनैतिक संबंधातून तिला गर्भधारणा झाल्याची माहिती आहे. तिच्या नवऱ्याने तिला घरी ठेवण्यास मनाई केल्यानंतर तिने घरच्यांना धमकी दिल्याचा आरोप तिच्या ननंदेने केला आहे.