नवी दिल्ली - अर्थमंत्री निर्मला सीतारमण यांनी बजेट सादर केल्यानंतर आता सोशल मीडियावर त्यांच्या साडीची चर्चा रंगली आहे. संसदेत अर्थसंकल्प सादर करताना त्यांनी लाल आणि पांढऱ्या रंगाची रेशमी साडी नेसली होती. निर्मला सीतारमण यांनी आतापर्यंत तीन अर्थसंकल्प सादर केले आहेत. यावेळी पुन्हा एकदा लाल आणि पांढऱ्या रंगाच्या साडीच्या माध्यमातून त्यांनी हँडलूमबाबतचं त्यांचं प्रेम दाखवलं आहे. सोनेरी रंगाचा काठ असलेली आणि ऑफ व्हाइट डिटेलिंगची लाल साडी नेसून निर्मला सीतारमण बजेट सादर करण्यासाठी संसदेत पोहोचल्या होत्या. 

निर्मला सीतारमण यांनी नेसलेल्या साडीचं बंगाल कनेक्शनही आहे. बंगालमध्ये या साडीला लाल पाड म्हटलं जातं. बंगालमध्ये शुभ प्रसंगी ही साडी परिधान केली जाते. बंगाली साड्यांपैकी एक खास साडी म्हणून लाल पाडची ओळख आहे. धार्मिक कार्यक्रमांसह विशेष प्रसंगी ही साडी नेसली जाते. याशिवाय झारखंडमध्येही या साडीला विशेष महत्त्व आहे. दुर्गा पूजा, सिंदूर खेला यावेळी साडी नेसतात. 

हे वाचा - Budget 2021 : दारू पिणाऱ्यांची 'बैठक' महागणार

अर्थसंकल्प सादर केल्यानंतर घेतलेल्या पत्रकार परिषदेत निर्मला सीतारमण वेगळ्या लूकमध्ये दिसल्या. याचीही चर्चा रंगली होती.  निर्मला सितारामण यांनी प्रेस कॉन्फरन्समध्ये पिवळ्या रंगाची आणि राखाडी रंगाची लाईनची साडी नेसली होती. या सोनेरी रंगाची किनार होती. बजेटवेळी साडी वेगळी होती. त्यानंतर त्यांनी प्रेस कॉन्फरसला वेगळा लूक केला होता

हे वाचा - Budget 2021 : काय स्वस्त, काय महाग? वाचा एका क्लिकवर

देशाचा अर्थसंकल्प पहिल्यांदा पेपरलेस स्वरुपात सादर केला गेला. ब्रीफकेसमधून आणला जाणारा अर्थसंकल्प बहीखात्यातून आणला जात होता. यावेळी तो टॅबलेटवरून सादर केला गेला. तसंच यावर राष्ट्रीय प्रतिक अशोक स्तंभही होता. यंदाचा अर्थसंकल्प खासदारांसह जनतेसाठी ऑनलाइन उपलब्ध असेल. यासाठी युनियन बजेट अॅपही लाँच करण्यात आलं आहे.