Nandurbar Accident News : शहरातील राष्ट्रीय महामार्गावरील हॉटेल गार्डनचे संचालक नरेश राणा हॉटेलहून घरी जात असताना १९ नोव्हेंबरच्या रात्री नऊच्या सुमारास राष्ट्रीय महामार्गावर अपघात झाल्याने त्यांचा जागीच मृत्यू झाल्याची घटना घडली.

नातेवाइकांनी अपघात की घातपात, असादेखील संशय व्यक्त केला आहे.(Accidental death of hotels owner Naresh Rana in navapur nandurbar news)

नरेश गावित स्पोर्ट बाइक (जीजे ०५, एनटी ९१७९)वरून हॉटेलमधून घरी जात असताना महामार्गावर अज्ञात वाहनाने जोरदार धडक दिली. अपघात एवढा भीषण होता, की डोक्याला व पायाला गंभीर दुखापत झाल्याने जागीच मृत्यू झाला.

अपघाताची माहिती मिळताच परिसरातील नागरिक व नातेवाइकांनी घटनास्थळी व रुग्णालयात मोठी गर्दी केली. नवापूर उपजिल्हा रुग्णालयात रात्री शवविच्छेदनासाठी दाखल करण्यात आले. या प्रकरणी पोलिस तपास करीत आहेत.

राणा यांच्या मागे आई, वडील, पत्नी, दोन मुलगे, मुलगी, बहीण असा परिवार आहे. दोन दिवसांपूर्वीच त्यांच्याकडे घरभरणीचा कार्यक्रम होता.

धुळे-सुरत राष्ट्रीय महामार्ग चौपदरीकरणाचे काम अनेक वर्षांपासून संथगतीने सुरू असल्याने अनेक निष्पाप जणांचे बळी जात आहेत. या संदर्भात चौपदरीकरणाचे काम लवकर होणे अपेक्षित आहे.