Dhule News : शिंदखेडा-दोंडाईचा राज्यमार्गावर विरदेल (ता. शिंदखेडा)जवळील नवनाथ मंदिरासमोर १५ जुलै २०२२ ला दुपारी साडेतीनच्या सुमारास मारुती स्विफ्ट डिझायर कार (जीजे ०६, एलके ७९६८)ने अचानक ब्रेक दाबल्याने समोरून येणाऱ्या मोटारसायकलवरील दोन तरुण जखमी झाले होते.

मोटारसायकल व मोबाईलचे नुकसान केल्याचा गुन्हा तब्बल दहा महिन्यांनंतर शुक्रवारी (ता. १९) दुपारी शिंदखेडा पोलिस ठाण्यात दाखल करण्यात आला. (After Ten months Accident case filed Car bicycle collision on Shindkheda Dandi road Dhule News)

हेही वाचा : Credit Card फसवणूक....काय घ्याल काळजी?

रहीमपुरे (ता. शिंदखेडा) येथील दिनेश सुरेश बेडसे (वय २८, व्यवसाय) व मित्र विनोद रामराजे (रा. रहीमपुरे) मोटारसायकलने जात असताना १५ जुलै २०२२ ला दुपारी साडेतीनच्या सुमारास समोरून येणाऱ्या मारुती स्विफ्ट डिझायर कारच्या चालकाने (नाव, गाव माहिती नाही) वाहन भरधाव चालवून अचानक ब्रेक मारल्याने समोरून येणाऱ्या मोटारसायकला धडक दिली.

मोटारसायकलवरील दोघांना दुखापत करून अपघाताची खबर न देता पळून गेला. अपघाताबाबत शुक्रवारी शिंदखेडा पोलिस ठाण्यात गुन्हा दाखल करण्यात आला असून, पोलिस निरीक्षक सुनील भाबड यांच्या मार्गदर्शनाखाली सहाय्यक उपनिरीक्षक ठाकरे तपास करीत आहेत.