नाशिक : काही दिवसांपूर्वी दिव्या ऍडलॅब येथील हाणामारीतील फरारी संशयित शिवाजी चौकात आल्याची माहिती पोलिसांना मिळाली. मंगळवारी (ता. 31) रात्री अकराच्या सुमारास अंबडचे वरिष्ठ पोलिस निरीक्षक कुमार चौधरी, गुन्हे शाखाचे उपनिरीक्षक राकेश शेवाळे व पोलिस पथक शिवाजी चौकात दाखल झाले.
असे घडले सर्व...
संशयिताची ओळख पटल्याने त्याला पकडत असताना झालेल्या झटापटीत श्री. चौधरी यांच्या उजव्या पायाला मार बसून त्यांच्या पायाचे हाड फ्रॅक्चर झाले. अशा परिस्थितीत पोलिसांनी रचलेल्या सापळ्यामुळे संशयिताला पकडण्यात पोलिसांना यश आले. दरम्यान, अंबड पोलिस ठाण्याच्या हद्दीत सोमवारी (ता. 30) दारू पिऊन गाडी चालवणाऱ्या 28, तर मंगळवारी (ता. 31) 15 चालकांवर पोलिसांनी कारवाई केली. या सर्वांच्या गाड्या जमा केल्याने अंबड पोलिस ठाण्याला जणू काही वाहन बाजाराचे स्वरूप प्राप्त झाले होते. पोलिस उपायुक्त विजय खरात, सहाय्यक आयुक्त मंगलसिंग सूर्यवंशी यांनी परिसरातील ठिकठिकाणी असलेल्या नाकेबंदीला भेट देऊन कायदा सुव्यवस्था अबाधित ठेवण्यासाठी कारवाई करण्याचे पोलिसांना आदेश दिले. ठिकठिकाणी टोळक्याने उभे असलेल्या तरुणांवरही पोलिसांनी कारवाई केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.