पिंपळनेर (जि. धुळे) : देशशिरवाडे (ता. साक्री) येथील जितेश पगारे पिंपळनेर सटाणा रोड वरील घरात पहाटे साडेपाच वाजेच्या सुमारास अंदाजे एक लाख ९८ हजार रुपये किमतीचा ऐवज लंपास झाला आहे. याप्रकरणी पिंपळनेर पोलिसात गुन्हा दाखल झाला आहे.

देशशिरवाडे (ता. साक्री) येथील जितेश शांताराम पगारे यांचे पिंपळनेर सटाणा रस्त्यावरील घरात गुरूवारी (ता.१२) घराच्या गच्चीवर सहकुटुंब झोपण्यासाठी गेले असता चोरांनी ही संधी साधली. शुक्रवारी (ता.१३) सकाळी साडेपाच वाजेच्या सुमारास घरात चोरी झाल्याचा प्रकार लक्षात आला. त्यांनी घरात जाऊन पाहिले असता मधल्या खोलीतले कपाट उघडे दिसले. त्यातून चोरांनी तीन तोळ्याची मंगल पोत, आठ ग्रॅमचे टोंगल व कानातले टॅप्स, चांदीच्या साखळ्या असा एकूण अंदाजे एक लाख ९८ हजार रुपये किमतीचा मुद्देमाल काढून नेला. याबाबत जितेश पगारे यांनी पिंपळनेर पोलिसात तक्रारी अर्ज दिला असून पुढील तपास सुरू आहे.