नाशिक : शहरात नव्याने सुरू होणाऱ्या शहर बससेवेसाठी सीएनजी स्टेशनची निर्मिती होत असताना त्याचा फायदा खासगी वाहनांना होण्यासाठी महाराष्ट्र नॅचरल गॅस कंपनीने सात सीएनजी स्टेशन उभारण्याचे प्रस्तावित केले आहे. त्यामुळे अनेक वर्षांपासूनची सीएनजी स्टेशनची नाशिककरांची मागणी पूर्ण होणार आहे.
शहरासह जिल्ह्यात सतरा स्टेशनची निर्मिती
महापालिकेकडून शहरात चारशेपैकी दोनशे बस सीएनजी इंधनावर चालविल्या जाणार आहेत. परंतु त्यापूर्वी शहरात सीएनजी स्टेशन उभारणे गरजेचे असल्याने महाराष्ट्र नॅचरल गॅस कंपनी लिमिटेडने सीएनजी स्टेशन उभारण्याचे काम सुरू केले आहे. प्रारंभी फक्त बससाठी सीएनजी स्टेशन असेल, असे गृहित धरण्यात आले होते. परंतु आता महापालिकेच्या बससोबतच खासगी वाहनांसाठीही सीएनजी इंधन उपलब्ध करून दिले जाणार आहे. बससाठी नाशिक रोड, सिन्नर फाटा व तपोवन येथे तीन डेपो उभारले जाणार आहेत. तर खासगी वाहनांसाठी पंचवटीतील अग्निशमन केंद्र, चेहेडी येथील जुन्या ट्रक टर्मिनस व आडगाव येथे डॉ. वसंतराव पवार वैद्यकीय महाविद्यालयाजवळ सीएनजी स्टेशन उभारले जाईल.
ग्रामीणमध्येही सीएनजी विस्तार
सध्या नाशिक- पुणे महामार्गावरील दोडी शिवार व घोटीजवळ दोन सीएनजी स्टेशन कार्यान्वित आहेत. त्याव्यतिरिक्त 15 नवे स्टेशन सुरू होतील. महापालिकेच्या बससेवेसाठी दोन, नाशिक शहरात सात, तर उर्वरित सहा स्टेशन ग्रामीण भागात असतील.
हेही वाचा > गंगापूर धरणावरील त्या बोटीच्या शोध लागणार?
हेही वाचा > पत्नीच्या निधनानंतर बाप पोटच्या मुलीसोबतच..
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.