Dhule Agriculture News : क्रांतिकारकांचे गाव म्हणून कापडणे जिल्ह्यात भाजीपाला उत्पादनात आणि निर्यातीत अग्रेसर आहे.

येथून दररोज वाशी, मालेगाव, शहादा, सुरत, सेंधवा आणि धुळे या बाजारांमध्ये एकंदरीत सरासरी २० ते ३० टन भाजीपाला पोचविला जात असतो. (demand of radish increase in surat shahada dhule news)

सध्या मुळ्याची काढणी सुरू आहे. सुरत व शहादा बाजारात मोठी मागणी वाढली आहे. प्रतिकिलो वीसपर्यंत भाव वाढले आहेत. सुरत बाजारात पहाटे येथील मुळा पोचल्यानंतरच लिलावास प्रारंभ होत आहे.

कापडणे परिसरातील बागायतदार शेतकऱ्यांनी मुळ्याची मोठी लागवड केली आहे. सध्या काढणी सुरू आहे. सुरतच्या बाजारात प्रतिकिलो बारा ते वीसपर्यंत भाव मिळत आहे. हा भाव परवडत असल्याचे शेतकऱ्यांनी सांगितले.

हेही वाचा : Credit Card फसवणूक....काय घ्याल काळजी?

दरम्यान, सुरत आणि शहादा बाजारात कापडणेचा भाजीपाला दाखल झाल्यानंतर भाजीपाल्याच्या लिलावास प्रारंभ होत असतो. येथील सियाराम, महादेव, पाचपावली हे भाजीपाल्याचे ब्रॅन्ड तयार झाले आहेत.

"मुळा उत्पादनातून बऱ्यापैकी हाती पैसा खेळतो. दररोज मुळा काढणी सुरू असते. बाजारभावावर लक्ष ठेवावे लागते. प्रतिकिलो पंधरापेक्षा अधिकचा भाव परवडतो." -महेंद्र पाटील, युवा शेतकरी, कापडणे