नाशिक : बी.एस्सी(आय.टी)पर्यंतचे शिक्षण घेतलेला दीपेश विलास शिंदे सोमवारी (ता. 30) पोलिस उपनिरीक्षक म्हणून महाराष्ट्र पोलिस अकादमीतून बाहेर पडत आहे.

असा संघर्ष दिपेशचा...

वडील विलास शिंदे मुंबई पोलिस दलात वाहतूक शाखेत हवालदार होते. मात्र, 31 ऑगस्ट 2016 ला वांद्रे (पश्‍चिम) येथे वाहतूक पोलिस म्हणून कर्तव्यावर असताना काही समाजकंटकांशी दोन हात करताना, गुंडांनी त्यांच्या डोक्‍यात रॉड मारला. त्यात विलास शिंदे शहीद झाले. त्या वेळी दीपेश शिंदे उच्चशिक्षित असल्याने मुंबईतील एका आयटी कंपनीत नोकरीला होता.

हेही वाचा > पं.स.निवडणुकीत शिवसेनेने राष्ट्रवादीला 'इथे' दाखविला ठेंगा!

हेच ते स्वप्न.... 

पण वडिलांचे पोलिस दलातील राहिलेले अधुरे स्वप्न पूर्ण करण्यासाठी तो पोलिस सेवेत येण्यास तयार झाला. त्याला पाठिंबाच नव्हे, तर त्याच्या मागे ठामपणे उभे राहिले ते तत्कालीन पोलिस आयुक्त दत्ता पडसलगीकर. त्यानंतर ते पोलिस महासंचालक झाले. त्यांनी दीपेशची अनुकंपा व शहीद पोलिसपुत्र व उच्चशिक्षित म्हणून थेट पोलिस उपनिरीक्षकाच्या प्रशिक्षणासाठी नियुक्ती केली. त्याचे मामा कृष्णा साळेकर हे दीपेश व कुटुंबीयांच्या मागे सावलीसारखे उभे राहिले. शहीद पित्याचे स्वप्न साकारताना दीपेशचे डोळे पाणावले. मनही दाटून आले अन्‌ वडिलांचे स्वप्न साकारल्याचा आनंदही होता.

हेही वाचा > छतावरुन आत्महत्या करण्यासाठी पाऊल पुढे टाकणार....तेवढ्यातच..