शहादा : शहादा तालुक्यातील जुलै ते डिसेंबर २०२० कालावधीत मुदत संपणाऱ्या २२ ग्रामपंचायतीच्या सार्वत्रिक निवडणुकीसाठी संबंधित ग्रामपंचायतीचा प्रभाग रचना व संबंधित प्रभागातील आरक्षण काढण्याचा कार्यक्रमाला सुरुवात झाली आहे. ग्रामपंचायतींच्या विशेष सभेत ४ फेब्रुवारीला आरक्षण काढण्यात येणार आहे.
जुलै ते डिसेंबर दरम्यान मुदत संपणाऱ्या ग्रामपंचायतींसाठी प्रभाग रचना व आरक्षण ठरविण्यासाठी कार्यक्रम घोषित करण्यात आला आहे. ग्रामपंचायतींच्या विशेष सभेत ४ फेब्रुवारीस आरक्षण काढण्यात येणार आहे. तसेच प्रारूप प्रभाग रचनेवर हरकती व सूचना ७ ते १४ फेब्रुवारी २०२० पर्यंत सादर करता येणार असून २९ फेब्रुवारी २०२० ला हरकती व सूचना सुनावणी करिता उपविभागीय अधिकारी यांच्याकडे हरकती सादर करण्यात येणार आहेत.
२९ फेब्रुवारीस उपविभागीय अधिकारी आलेल्या सूचना व हरकतींवर सुनावणी करतील.११ मार्च २०२० ला आलेल्या प्रत्येक हरकती व सूचनांवर सुनावणीनंतर अभिप्रायासह अंतिम निर्णयासाठी जिल्हाधिकारी यांच्याकडे सादर करण्यात येणार आहे. १७ मार्च २०२० ला उपविभागीय अधिकारी यांच्याकडून प्राप्त झालेला प्रस्ताव तपासून जिल्हाधिकारी यांनी प्रभाग रचना व आरक्षणाला अंतिम मान्यता देणे व स्वाक्षरी करणे. २१ मार्च २०२० ला जिल्हाधिकारी यांनी मान्य केलेला प्रभाग रचनेला(नमुना अ मध्ये) व्यापक प्रसिद्धी देणे, अशा पद्धतीच्या निवडणूक कार्यक्रम असणार आहे.
यासाठी प्रभाग विस्तार अधिकारी यांची नेमणूक करण्यात आली आहे. त्यात निकिता नायक यांची कुकावल व कोठली त.सा. साठी प्रभाग विस्तार अधिकारी म्हणून नेमणूक करण्यात आली आहे. कुऱ्हावद त.सा.साठी आर.टी.पानपाटील, कवठळ ग्रामपंचायतीच्या प्रभाग विस्तार अधिकारी म्हणून एम.व्ही. चकोर तर दोंदवाडा व तोरखेडा ग्रामपंचायतीसाठी एम.बी.चव्हाण,नांदरखेडा व वर्ढे त.श. ग्रामपंचायत श्रीमती बी.बी. सूर्यवंशी यांची, टेंभे त.श.व शेल्टी ग्रामपंचायत अव्वल कारकून पी.एस.मराठे , टेंभे व बामखेडा त.सा.श्री.अहिरे , बामखेडा त.त. व फेस ग्रामपंचायत व्ही.डी.सावळे , पुसनद व सोनवद त.श. ग्रामपंचायत एस.झेड्.देवरे , कानडी त.श.एम .के.पाटील ,मनरद व मोहीदे त.श.बी.ओ.पाटील यांची तर जुबेर पठाण यांची सारंगखेडा ग्रामपंचायतीकरिता प्रभाग विस्ताराधिकारी म्हणून नेमणूक करण्यात आली आहे. तसेच डामरखेडा व हिंगणी ग्रामपंचायतीकरिता आर.पी.बच्छाव यांची नेमणूक करण्यात आली आहे.
यामुळे आता पंचायत समिती आणि जि.प.निवडणूकीनंतर शहादा तालुक्यातील २२ ग्रामपंचायतींचा आखाडा तापणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.