Dhule News : पथारे (ता. शिंदखेडा) येथे कर्जबाजारी शेतकऱ्याने विषारी औषध प्राशन करीत आत्महत्या केली. (farmer in Shindkheda taluka committed suicide dhule news)
पावसाअभावी, अवकाळी पावसामुळे पिकांची स्थिती चांगली नसल्याने तसेच शेतात केलेल्या कूपनलिकेला चांगले पाणी लागले नसल्याने हताश झालेले शेतकरी हेमराज भटेसिंग गिरासे (वय ४७) यांनी गुरुवारी (ता.३०) सकाळी साडेअकराच्या सुमारास निमगूळ रस्त्यावरील खळ्यात विषारी औषध प्राशन करीत आत्महत्या केली.
याची माहिती त्यांचे लहान भाऊ विरपाल गिरासे (खर्दे ता. शिंदखेडा) यांना मिळाली. त्यांनी नातेवाइकांसह ग्रामस्थांच्या मदतीने खासगी वाहनातून दोंडाईचा उपजिल्हा रुग्णालयात भटेसिंग गिरासे यांना दाखल केले.
डॉ. तेजस जैन यांनी तपासून दुपारी साडेबाराला मृत घोषित केले. त्यांनी विविध बँकांतून कर्ज घेतले होते. त्यांनी कर्जबाजारीपणातून आत्महत्या केली असल्याची फिर्याद वीरपाल गिरासे यांनी दोंडाईचा पोलिस ठाण्यात दिली.
पोलिसांत आकस्मिक मृत्यूची नोंद झाली. पोलिस निरीक्षक श्रीराम पवार यांच्या मार्गदर्शनाखाली पोलिस शिपाई गावित तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.