Dhule News : रुणमळी (ता. साक्री) ग्रामपंचायतीच्या निलंबित ग्रामसेवकासह तिघांनी शासनाची तब्बल ७५ लाखांत फसवणूक केली आहे. तिघांनी विविध योजनांतील रकमा, निधी बँकेतून परस्पर काढून अपहार केला.

या प्रकरणी तिघांवर गुन्हा दाखल करण्यात आला. (Government defrauded of 75 lakhs Dhule News)

याबाबत साक्रीचे विस्ताराधिकारी जगदीश खाडे यांनी दिलेल्या फिर्यादीत म्हटले आहे, की रुणमळी ग्रामपंचायतीचे निलंबित ग्रामसेवक सी. पी. गायकवाड, सरपंच सीताबाई दामू माळचे व उपसरपंच सीमाबाई अनिल पवार यांनी आर्थिक फायद्यासाठी १५ व्या वित्त आयोग योजना, पेसा ग्रामकोश समिती निधी, ग्रामनिधी व स्वच्छ भारत मिशनच्या निधीच्या रकमा वेळोवेळी बँकेतून काढून शासनाचा विश्‍वासघात केला.

फसवणूक करून ७५ लाख ८८ हजार ७८२ रुपयांची आर्थिक अनियमितता केल्याचे निष्पन्न झाले. त्यानुसार ग्रामसेकास साक्रीच्या गटविकास अधिकाऱ्यांनी निलंबित केले. हा प्रकार २०१८ ते २०२३ यादरम्यान घडला. या प्रकरणी संशयित तिघांवर गुन्हा दाखल झाला.